XXX porn Mobil Porn Teen Porn porn film Porn tube XnXX mature porn  Info qendra
Web Faqja zyrtare e PDSH-se
Has shqiptar

Nga vendi

PDSH: BDI i kthen në helm votat e shqiptarëve!‏

Fjalimi i deputetes së PDSH-së, znj.Merale Ferati në Kuvend

Instituti Pyetja e Deputetëve është shumë i rëndesishëm ku deputetët parashtrojnë pyetje qeverisë dhe qeveria është e obliguar të jep llogari për punën e vetë.

Praktika e deritanishme në këtë kuvend tregon se ky kuvend që moti ka humbur kuptimin, vlerën dhe peshën e ketij instituti të rëndësishëm demokratik. Si dëshmi për këtë që e them është mungesa kronike e zv.Kryeministrit Musa Xhaferi, kuadër i BDI-së, i cili asnjëherë nuk ka marrë pjesë në seancat e kuvendit kur parashtrohen pyetjet e deputetëve.

Përkundër këtij injorimi, përkundër kësaj papërgjegjësie megjithatë ne do ti ngrejmë shqetesimet tona që i tejkalojnë interesat politike dhe janë njerezore, humane pasi që drejt për së drejti e rezikon jetën e shqiptarëve.

Veç shifet një dorëzim total sa i përket proceseve eurointegruese, zhvillimit ekonomik, çështjeve të hapura etnike, mirëqenies sociale, që me një fjalë i mbyllen perspektivat.

Sot jam këtu në këtët foltore që të ngris një shqetësim tjetër që çmoj se   për nga përmasat e dëmit është më i rezikshmi deri më tani.

Për disa kalkulime koruptive dhe kriminale lejohet të cënohet edhe segmenti më i shenjtë shëndeti. BDI lejon helmimin masiv të një popullate të tërë nga ana e JUGOHROMIT që ditë e natë i helmon banorët e Tetovës dhe Pollogun në përgjithësi.

Se sa shqetësuese dhe sa alarmante e tragjike është situata në Pollog,  tregojnë të dhënat e marrura nga  matjet e shkallës së ndotjes që e shkakton Jugohromi së bashku me statistikat të cilët tregojnë rritjen e numrit të sëmundjeve të ndryshme vdekjeprurëse. 

Sipas të dhënave zyrtare shkalla e ndotjes së ajrit në Tetovë është prej 150 – 200 herë më e lartë nga norma e lejuar. Kapaciteti momental i Jugohrmoit në ditë prodhon afërsisht 3 ton pluhur. Çdo qytetar për dy orë qëndrim në lëvizje thith pluhur diku përafërsisht deri në 10mg, që përmban materje toksike si dhe grimca bm10, që janë kancerogjene dhe shumë toksike, prej nivelit të lejuar prej 50 mikrogram në metër kub në Tetovë është prej 500 – 1000 mikrogram në metër kub, këtu mos i harojmë edhe gazrat të tjera të dëmshme si diokidi i sulfurit, oksidet e azotit, grimcat e suspenduara me dimenzione deri 10 mikro meter, monooksidi i karbonit etj. Këtë shqetësim e shpreh edhe raporti i bankës botërore, ku thuhet se përqëndrimet e grimcave të dëmshme në ajër shkelin rëndë stanndardet për cilësinë e ajrit dhe kjo duhet të jetë një nga shqetësimet më serioze të shtetit, duke theksuar se grimcat bm10 seriozisht e tejkalojnë standartin vjetor të Bashkimit Evropjanë.

Këtu nga këto parametra është shumë e besueshme se edhe nga institucionet  shumë relevante botërore, Tetova rangohet në vendin e dytë botëror si qytet më i ndotur në botë.

Hallall ju qoft juve të BDI-së, hallall ju qoftë! Aritët që ta helmoni qytetin më të madh shqiptar. Arritët të helmoni votuesit tuaj. Ju merrni 9-10 % deputetë në atë rajon dhe për këtë si shpërblim vjen helmi për shqiptaët nga ana e BDI-së. Ky është suksesi juaj, kjo është e arritura juaj, i helmoni votuesit tuaj dhe të tjerët, i helmoni ata që ju besuan, ku me votën e tyre i keni sot këto poste.

Më lejoni që të ndaj me opinionin se çka në fakt është PM10, apo particulate matter, sipas instituteve më prestigjioze botërore. Grimca PM 10 janë grimca fluturuese të cilët përmbajnë materije kancerogjene dhe toksike. Në fakt janë pjesëza të lëndëve të forta djegëse të blozës, të pluhurit të cilët në bazë të pesheës së tyre bien në tokë dhe të njëjtat shpërndahen  deri më 1000 km nga vendi ku emitohen dhe kanë afinitet të grumbullojnë bakterje. Lehtë penetrojnë në organet e frymëmarrjes, në qarkullimin e gjakut dhe në të gjitha organet. Në bazë të hulumtimeve të fundit të Organizatës Botërore Shëndetësore ajri i ndotur rangohet si rezik faktor më i rëndësishëm për morbiditetin dhe mortalitetin. Si pasojë e presencës së PM 10 në ajër nga hulumtimet e kësaj fushe janë radhitur këto pasoja: paraqitja e sëmundjeve opstruktive pulmonale, insultë cerebro-vaskulare, infarkte të miokardit, si dhe më e keqja shkakton karcinom të mushkërive dhe karcinome të tjera.

Nga kjo që e thamë nuk është e rastësishme se statistikat nga viti 2010-1014 nga 1500 të sëmurë me sëmundje të ndryshme të kancerit numri është rritur mbi 3000 raste në TETOVË, duke mos i llogaritur rastet e pa zbuluara, si dhe evidentohen rritje enorme të sëmundjeve të sistemit respirator me mbi 1000 raste në spitalin e Tetovës.

Me një theks të veçantë duhet cekur se ajri i ndotur ka ndikim shkatërues tek shtatzënat. Abortet spontane  janë  në rritje rapide për të cilën edhe kamë thënë se nevoitet një analizë hulumtuese dhe transparencë nga ana e institucioneve kompetente për ndikimin e ajrit tek abortet.

Siç e shihni zotëri dhe zonja të BDI-së, ministri nuk është këtu, kjo është politika e juaj, nuk mjafton helmimi politik i juaj e tani filluat ti helmoni edhe fizikisht. E pyes ministrin e BDI-së se si ndihet në këtë situatë? - Si ndiheni ju të BDI-së në këtë situatë? A ndjeheni komot kur e dini se jeni përgjegjës për këtë gjendje të mjerrueshme të shqiptarëve? A ndjeheni komot dhe përgjegjës për sëmundjet e fëmijëve? A ndjeheni  komot kur ju të BDI-së jeni përgjegjës për të sëmurët nga kanceri të kësaj gjenerate dhe të gjaneratave të ardhëshme që do të vijnë pas?

 

 

 

 

Konferencë për shtyp e deputetit të PDSH-së z.Bekim Fazliu

Propozim-Ligji për Avokatin e Popullit i propozuar nga Ministri i BDI-së ka për qellim që Avokatin e Popullit ta shndërrojë edhe formalisht në një institucion që është në kontroll të plotë të Qeverisë, duke e zhveshur tërësisht nga  kompetencat formale që i ka të përcaktuara me Kushtetutë, siç është ajo e mbrojtjes së përfaqësimit të drejtë dhe adekuat.

Që skena tragjikomike e BDI-VMRO, të përfundojë ngjashëm si në TV novelat përkujdesen deputetët e BDI-së që me amendamentet e tyre ndaj ministrit të tyre bëjnë shume zhurmë për asgjë.

Edhe pse Kushtetuta dhe ligjet në Maqedoni lënë ende shumë për të dëshiruar, në veçanti për ne shqiptarët, roli i Avokatit të Popullit , është të mbrojë të drejtat kushtetuese dhe ligjore të qytetarëve, kur ato cenohen nga organet shtetërore.

Prandaj PDSH me ane të amendamenteve propozon që avokatit të popullit ti jepet pavarësi e plotë e funksionimit, pavarësi politike dhe financiare. 

Sugjerimet , masat dhe veprimet që ndërmerr Avokati i Popullit për mbrojtjen e të drejtave dhe lirive të qytetarëve, të jenë Obligative për institucionet shtetërore, e jo si deri më tani që kanë qenë fakultative. Ata që shkelin të drejtat e qytetarëve në veçanti shqiptarëve dhe ata që nuk respektojnë përfaqësimin e drejtë dhe adekuat të dënohen me burg prej 15-20 vjet. Propozojmë ngritjen e një sektori të veçantë që do të drejtohej nga një prej zëvendësve të tij.  

Gjithashtu, sipas shembullit të Suedisë dhe Francës,propozojmë  që Avokati i Popullit të ushtrojë kontroll mbi veprimtarinë e gjykatave. Dihet botërisht se këtu në Maqedoni  për faj të kësaj qeverie, drejtësia përkthehet padrejtësi. Dhe në një vend ku  drejtësia është kthyer në padrejtësi nuk ka sundim të ligjit, por ka shkelje të ligjit, shkelje të të drejtave të shqiptarëve. Këtë e shohim përditë, këtë e ndjejnë qytetarët në kurriz të tyre përditë.

Gjykatat janë shndërruar në vrasëse të drejtësisë dhe më nuk respektohet as parimi i pafajësisë deri sa nuk shpallesh fajtor. Këtu dënimin ta jep qeveria, e gjykata vetëm e shtyp atë në letër. 

Propozimi ynë shërben vetëm si një pikënisje për të dalë nga kjo katrahurë.

 

Shërbimi për Informim - PDSH

Tetovë, 27.01.2015

 

Skandal: BDI stimulon shpërnguljen e Shqiptarëve

Konferencë për shtyp e deputetit të PDSH-së z.Gazmend Aliu:

“Qeveria VMRO-BDI në vazhdën e politikës anti-shqiptare sot paraqet një rezolutë për migracion.

Ky dokument përveç se është sipërfaqësor ai në thelb stimulon largimin e mëtutjeshëm të shqiptarëve nga trojet e veta etnike. Për shqiptarët shifrat janë alarmante, ku mbas disa të dhënave numri arrin mbi 300 mijë shqiptarë që kanë emigruar.

Faktorët që ndikojnë në shpërnguljen e shqiptarëve janë:

• Mos integrimi i Maqedonisë në NATO dhe BE, si pasoj e politikës së mbrapshtë të kësaj Qeverie,

• Diskriminimi i egër në baza etnike,

• Papunësia enorme në vendbanimet shqiptare,

• Mungesa e infrastrukturës elementare në vendbanimet shqiptare, 

• Vetëm 1% investime kapitale në hapësirat shqiptare, 

• Shkatërrimi i arsimit shqip dhe tendenca për maqedonizimin e saj.

Gjithë këto dhe faktorë tjerë ndikojnë që migrimi i shqiptarëve jo që nuk do të ndalet, por do të stimulohet edhe më shumë, dhe se ky dokument nuk paraqet gjë tjetër përveç se një vazhdimësi dhe modifikim i dokumenteve dhe strategjive famëkeqe, që historikisht janë hartuar për shpërnguljen e Shqiptarëve nga trojet e veta etnike siç  janë: projektet të akademisë serbe, çubriloviqit, rankoviqit etj, dhe tash e kemi strategjinë e dyshes: Gruevski-Ahmeti”.

 

Shërbimi për Informim - PDSH

Tetovë, 15.01.2015

 

RDSH-Kumanovë, sërish fituese e turneut memorial në basketboll “Arbën Xhaferi 2015”

Për nderë të ish Kryetarit të ndjerë të Partisë Demokratike Shqiptare (PDSH), Arbën Xhaferi Rinia Demokratike Shqiptare (RDSH), forumi rinor i PDSH-së organizojë Turneun memorial në basketboll “Arbën Xhaferi 2015”, i cili u mbajtë të shtunën në sallën e Shkollës së mesme të mjekësis në Tetovë.

Në këtë aktivitet sportiv kanë marrë pjesë degët e RDSH-së nga e gjithë Maqedonia, ndërsa fituese e turneut është dega e RDSH-së në Kumanovë.

Turneun e hapi kryetari i RDSH-së në nivel qëndror, z. Muhamet Rustemi me një fjali rasti.

“Ne si rini vendosëm të nderojmë jetën e të madhit Arbën Xheferi me nje organizim sportiv, pasi që të gjithë e dimë se ai ishte një sport-dashës i madh. Ky eveniment është gjëja më e vogël që mund ta bëjmë ne për një figur të ndritur të politik bërjes, një filozofi dhe një lideri të madh. Ne si RDSH krenohemi me atë që po vazhdojmë ëndrën e Arbën Xhaferit. Gjithmon do të japim maksimumin tonë që ta jetësojmë ëndrën e tij”, ka theksuar Muhamet Rustemi.

Vendi i dytë në këtë turne i takojë RDSH- Tetovë, ndërsa vendi i tretë RDSH-Strugë.

Të pranishëm në këtë aktivitet përkujtimoro-sportiv ishin strukturat drejtuese të PDSH-së të udhëhequra nga kryetari i PDSH-së, Menduh Thaçi.

 

 

 

 

Kryetari i PDSH-së priti në takim Ambasadorin amerikan z.Pol Volers

Kryetari i PDSH-së, z.Menduh Thaçi priti në takim Ambasadorin amerikan në vend, z. Pol Volers

Kryetari i Partisë Demokratike Shqiptare, z.Menduh Thaçi ka nisur takimet me komunitetin ndërkombëtar për këtë vit të ri me ç’rast sot në selinë e partisë priti në takim pune Ambasadorin amerikan në vend, z. Pol Volers. 

Në qendër të bisedës ishte situata aktuale politike, procesit integrues,  marrëdhëniet ndëretnike në vend dhe tema të tjera me karakter politik. 

Bashkëbiseduesit u pajtuan që duhet të jepet kontribut maksimal për prioritetin kryesor që e kemi siç është integrimi në strukturat euro-atlantike, me çka do të sigurohet një perspektivë më e mirë për vendin dhe rajonin. Në këtë drejtim vlerësuan se rikthimi i dialogut të mirëfilltë politik në mes të forcave kryesore është me rëndësi të veçantë, veçanërisht për vendet aspirantë në BE dhe NATO, që do të ndikonte në adresimin e drejtë të temave të hapura në vend. 

Në lidhje me marrëdhëniet dhe tensionet ndëretnike Kryetari Thaçi theksoi se PDSH ka ngritur vazhdimisht shqetësimet në këtë drejtim dhe se politika e PDSH-së mundohet të paraqet një preventivë dhe kjo preventivë është Platforma e Partisë Demokratike Shqiptare.  Kryetari Thaçi më tej vlerësoi se nevojitet një përkujdesje e veçantë për menaxhimin e marrëdhënieve ndëretnike, që paraqesin shtyllën e stabilitetit në vend.

Ambasadori Volers vlerësoi lartë rolin konstruktiv dhe qasjen demokratike të PDSH-së dhe apeloi për unifikim të të gjitha faktorëve drejt rrugës së integrimeve euroatlantike.

Kryetari Thaçi gjatë bisedës theksoi se Partia Demokratike Shqiptare do të vazhdojë të kontribuojë për një dialog të mirëfilltë politik dhe se do të jetë pjesë e një procesi demokratik në vend. 

Bashkëbiseduesit u ndanë të kënaqur nga takimi, me premtim se ky bashkëpunim me Ambasadën Amerikane do të vazhdojë edhe në të ardhmen.

 

 

Shërbimi për Informim - PDSH

Tetovë, 09.01.2015

Kryetari i PDSH-së, z.Menduh Thaçi përkujton ditëlindjen e Arbër Xhaferit‏

Kryetari i PDSH-së, z.Menduh Thaçi sot para dite ka vendosur kurora lulesh pranë varrit të ish Kryetarit të ndjerë Arbën Xhaferi, me rastin e ditëlindjes së tij më 24 Janar 1948, duke përkujtuar kështu veprën e Arbën Xhaferi në 67 vjetorin e lindjes së tij. 

Gjithashtu Rinia Demokratike Shqiptare sot në sallën sportive të Shkollës së Mesme të Mjekësisë në Tetovë, organizon Turneun në basketboll “Arbën Xhaferi” që tradicionalisht mbahet për çdo vit, duke përkujtuar kështu figurën dhe veprimtarinë e ish Kryetarit të ndjerë, Arbën Xhaferi.

 

 Shërbimi për Informim - PDSH

Tetovë, 24.01.2015

 

Press konference e deputetit te PDSH-se, z.Bekim Fazliu:

Grupi parlamentar i Partisë Demokratike Shqiptare ka hartuar dhe dorzuar në procedurë 32 amandamente për pakon e ligjeve të arsimit, ligje që propozohen nga shumica parlamentare VMRO-BDI.

Me këto amandamente kërkojmë të vëmë në pah dëmin që po i bëhet arsimit prej atij fillor e deri te ai superior.

Arsimi nuk është mundim, është vlerë, është dije,është kulturë. Problemet në arsim zgjidhen vetëm me autonomi të plotë të universiteteve dhe me një shtet ligjor, e jo me suprimim të autonomisë dhe me politizim e aq më tepër jo me kontroll qeveritar. Duhet krijuar sistem kredibil akademik, e jo sistem të seleksionimit politik.

Me zgjidhjen që ofrohet nga ana e qeverisë që në rastin konkret fatkeqsisht përfaqsohet nga një ministër shqiptar, dëmin më të madh do ta pësoj pikërisht arsimi në gjuhën shqipe.

Vlersojmë se me anë të këtyre ligjeve i jepet goditja përfundimtare e arsimit në gjuhën shqipe që është strategji e kahmotshme antishqiptare.

Kryetari i PDSH-së priti në takim Ministren e Mbrojtjes së Republikës së Shqipërisë, znj.Mimi Kodheli

Kryetari i Partisë Demokratike Shqiptare, z.Menduh Thaçi sot në selinë qendrore të partisë realizoi takim me Ministren e Mbrojtjes së Republikës së Shqipërisë, znj.Mimi Kodheli dhe delegacionin shqiptar.

Në takim është biseduar për çështje aktuale politike, për rëndësinë e integrimeve euro-atlantike të vendit dhe rajonit, për shqetësimet e shqiptarëve të Maqedonisë, si dhe tema të tjera politike.

Kryetari i PDSH-së në takim theksoi karakterin strategjik të marrëdhënieve me Shqipërinë në përputhje me aspiratat e shqiptarëve për integrimet euro-atlantike, mbase edhe vizioni i përbashkët i shqiptarëve është integrimi i plotë në Bashkimin Evropian dhe NATO, duke i shërbyer kështu mbarëvajtjes së paqes, sigurisë dhe stabilitetit rajonal.

Bashkëbiseduesit vlerësuan se integrimet euro-atlantike të vendit dhe rajonit janë me interes të veçantë për shqiptarët.

Kryetari Thaçi informoi Ministren për situatën e shqiptarëve në Maqedoni, duke potencuar mungesën e perspektivës dhe të investimeve në rajonet të banuara nga shqiptarët. Kryetari Thaçi gjithashtu theksoi se Partia Demokratike Shqiptare është tërësisht e pakënaqur me mos- implementimin e Marrëveshjes së Ohrit dhe nga mënyra institucionale e varfërimit të shqiptarëve nga ana e kësaj qeverie.

 

Shërbimi për Informim - PDSH

Tetovë, 23.01.2015

Konferenca vjetore e Kryetarit te PDSH-se, z.Menduh Thaçi‏

Në vitin e ardhshëm pres përkeqësim të madh të situatës në Maqedoni sidomos për shqiptarët, thellim të mëtejshëm të krizës ekonomike për shqiptarët për shkak se qeveritarët shqiptarë nuk arrijnë që të mbrojnë veten e le më të bëjnë investime për shqiptarët. Çështjen e dytë që e pres është përkeqësimi i mëtejshëm i raporteve ndëretnike sepse kështu kanë dëshirë ta dëgjojnë edhe bashkësia ndërkombëtare, po përkeqësimi i mëtejshëm i aspektit të drejtave politike dhe njerëzore të shqiptarëve.Çështja e tretë poashtu përkeqësim apo përforcim të bllokadës drejt integrimit në NATO dhe në Unionin Evropian, normalisjt në të gjithë këtë situatë të pashpresë egziston një shpresë e vogël se situata mund të përmisohet, e kjo shpresë e vogël e ka emrin bashkësia ndërkombëtare, Shtetet e Bashkuara të Amerikës dhe Unioni Evropian. Edhe pse nuk vërej asnjë shenjë se ata do të ndërhyjnë në Maqedoni për të përmirsuar situatën për shkak se po bëj një krahasim po ta marim Shqipërinë do të pajtohemi të gjithë se bashkesia ndërkombëtare ndërhyri dhe krizën politike e zgjodhi, e ktheu opozitën në parlament.

Për partinë demokratike shqiptare ky vit ishte një ndër vitet më të rënda dhe më të vështira, falë juve dhe aktivistëve të fuqishëm që i kemi çdokund ku i kemi shqiptarët ne jo që mbijetuam por u përforcuam, pres në vitin e ardhshëm kjo parti të forcohet shumë të bëhet partia më e madhe e shqiptarëve, jo pres por jam i sigurtë dhe ju premtoj se do të di ta drejtoj këtë parti të fortë drejt realizimit të qëllimeve të shqiptarëve të Maqedonisë. Edhe një herë shëndet se fjalën tjetër nuk mund ta them se do të isha dyftyrsh, hipokrit.

 

 

 

Kryetari i PDSH-së priti në takim Zv.Kryeministrin e Parë dhe Ministrin e Punëve të Jashtme të Kosovës, z.Hashim Thaçi

Kryetari i PDSH-së, z. Menduh Thaçi priti në takim Zv.Kryeministrin e Parë dhe Ministrin e Punëve të Jashtme të Kosovës, z.Hashim Thaçi

Kryetari i PDSH-së, z.Menduh Thaçi sot në selinë qendrore të partisë realizoi takim me Zv.Kryeministrin e Parë dhe Ministrin e Punëve të Jashtme të Republikës së  Kosovës, z.Hashim Thaçi. Në takim është biseduar për çështje aktuale politike, për rëndësinë e integrimeve euro-atlantike të vendit dhe rajonit, për shqetësimet e shqiptarëve të Maqedonisë, si dhe tema të tjera politike.

Pas takimit, Kryetari i PDSH-së,  z.Menduh Thaçi dhe Zv.Kryeministri i Parë dhe Ministri i Punëve të Jashtme të Kosovës, z.Hashim Thaçi dhanë një prononcim për shtyp:

Menduh Thaçi: “E takova Zëvendës Kryeministrin e Qeverisë së Kosovës, z.Hashim Thaçi, miku i jonë i shqiptarëve të Maqedonisë, i vjetër, biseduam për shumë çështje në mënyrë të hapur, pranova sugjerimet e Ministrit të Jashtëm në të njëjtën kohë që format e bashkëpunimit në mes dy forcave kryesore politike shqiptare duhet të rriten, përshpejtohen dhe të shtrëngohen më tepër. E informova për situatën e pashpresë momentalisht në Maqedoni, për bllokimin e procesit integrues, në anën tjetër për një diskriminim ekonomik të programuar që bën Qeveria e Maqedonisë  ndaj shqiptarëve. Po ashtu i premtova se do të vazhdojmë politikisht të veprojmë, në asnjë moment nuk do të bëhemi pjesë e aventurave të paqarta politike të grupimeve të paqarta”. 

Hashim Thaci: “Edhe për mua është një kënaqësi e veçantë të takohem gjithmonë me Kryetarin Menduh Thaçi. Ne diskutuam për format e bashkëpunimit ndërinstitucional por edhe partiak, që kemi edhe një traditë të bashkëpunimit të kahershëm. Diskutuam me Kryetarin Thaçi për zhvillimin në Kosovë, Maqedoni për thellimin dhe afirmimin e bashkëpunimit në të gjitha sferat institucionale, ndërpartiake dhe shoqërore. Tani Kosova ka shënuar progres dhe njohje nga 108 shtete. Ky progres ndërlidhet edhe me mbështetjen e fuqishme edhe të lidershipit të shqiptarëve në Maqedoni, Z. Thaci, Z.Ametit dhe lidershipit të tjerë. Natyrisht, gjithmonë ka qenë përkushtim i Kosovës interesimi legjitim i institucioneve kosovare për gjendjen dhe afirmimin e të drejtave kombëtare të shqiptarëve në Maqedoni. Unë inkurajoj dy subjektet më të mëdha që të zhvillojnë dialogun e tyre të brendshëm. Çelësi i afirmimit të plotë të të drejtave kombëtare të shqiptarëve në Maqedoni është te një dialog dhe marrëveshje mes dy forcave që do mund të ishin forca bashkërisht, mund të ishin forca më  e fuqishme politike në Maqedoni, sepse vetëm me integrimin e plotë dhe afirmimin e plotë të të drejtave të shqiptarëve në Maqedoni, mund të bëhet Maqedonia Evropiane. Unë sot takova edhe student edhe njerëz nga bota akademike dhe shoqëria civile dhe pyesnin për qëndrimin antishqiptar të institucioneve të Shkupit në raport me shqiptarët . Unë nuk do dëshiroja të thoja që është një qëndrim antishqiptar dhe të konkludoj se çdokush që  mban qëndrim kundër shqiptarëve në Maqedoni është qëndrim anti- Evropian, anti - NATO dhe anti vlerave dhe besimit euro-atlantik. Sido që të jetë mua më mban shpresa dhe besimi se lidershipi në Maqedoni dhe partitë politike shqiptare, konkretisht Z.Thaci dhe Z.Ahmeti me urtësinë e tyre, me mençurinë e tyre, me largpamësinë e tyre, me vendosmërinë e tyre do të gjejnë gjuhën e përbashkët që të arrijnë mirëkuptimin, që është i domosdoshëm, që edhe e kërkojnë edhe qytetarët dhe natyrisht e përfaqësojnë në parlament me një shumicë meritore, me një shumicë të fuqishme, me një shumicë që determinojnë proceset e ardhshme euro-atlantike dhe të Maqedonisë, natyrisht edhe të sjellin projekte investuese në hapësirat ku jetojnë shqiptarët, që të ndodhë jo vetëm në kuptimin e interesimit sa i përket simboleve kombëtare, tani më ajo kohë ka kaluar. Tash është koha e zhvillimit ekonomik, e krijimit të vendeve të reja të punës, e rritjes së mirëqenies sociale të qytetarëve dhe integrimin të Maqedonisë në NATO dhe strukturat tjera të Bashkimit Evropian. Ne mbështesim fuqishëm Marrëveshjen e Ohrit, implementimin e plotë të kësaj marrëveshje, mbështesim që Maqedonia të lëviz më shpejtë drejt anëtarësimit në NATO, që është jo vetëm në interesin e Maqedonisë, por edhe të gjithë rajonit dhe në këtë drejtim mendoj që PDSH-ja dhe Z. Thaçi i ka dhënë një mbështetje të fuqishme këtij procesi prandaj desha edhe të falënderoj për bashkëpunimin Z. Thaçin, falënderoj për kontributin e Tij dhe të Partisë dhe në këtë rast pasi që është dhe konferenca e parë, në mungesë të Kryetarit historik të PDSH-së dhe liderit të shqiptarëve të Maqedonisë  Z. Xhaferi, të shpreh edhe njëherë mirënjohjen dhe respektin më të lartë për rolin dhe kontributin e tij historik, për afirmimin e të drejtave të shqiptarëve në Maqedoni, por edhe me idetë dhe vizionet e tij për shqiptarët në rajon dhe për gjithë rajonin euro-atlantik”.

Shërbimi për Informim - PDSH

Tetovë, 22.01.2015

Rinia Demokratike Shqiptare mbajti konferencë vjetore të 11-të me radhë‏

Në konferencën madhështore e cila u organizua në Pallatin e Kulturës në qytetin e Strugës, Rinia Demokratike Shqiptare mbajti Konferencën vjetore, të 11-të me radhë. Në prani të 495 delegatëve të rinisë, Kryesisë Qendrore të PDSH-së dhe më shumë se dy mijë të rinjve të pranishëm në Pallat, vijuan punimet e Konferencës Vjetore, me ç’rast u rifreskuan strukturat drejtuese dhe u zgjodh kryetari i Rinisë Demokratike Shqiptare.

Konferencën e hapi Kryetari i RDSH-së së Strugës, z.Meriton Vinca, i cili theksoi domosdoshmërinë e ndryshimit të madh që duhet të ndodh në funksion të ndarjes njëherë e përgjithmonë nga politika që rrezikon të ardhmen e Rinisë dhe kombit. 

Pas punimeve të zhvilluara, 495 delegatët e pranishëm në Konferencë për kryetar të RDSH-së e ri-zgjodhën z.Muhamet Rustemi. Në vazhdim të Konferencës, u zgjodhën edhe kryesia e ngushtë, kryesia qendrore dhe kuvendi qendror i RDSH-së.   

Në fjalimin e tij përpara të pranishmëve, Kryetari i rizgjedhur, z.Muhamet Rustemi u falënderuar për besimin e dhënë, duke përcjellë vizionin e tij për drejtimin e RDSH-së dhe duke theksuar shqetësimet e bashkëmoshatarëve të tij dhe problemet me të cilat ballafaqohet sot i riu shqiptar në Maqedoni. Ai më tej theksoi se ka ardhur koha për ndryshimin e madh dhe këtë mision më së miri do ta kryej rina shqiptare duke e kritikuar fortë politikën e përkuljes që po e bënë partia tjetër shqiptare.”Ne jemi shumë afër shpartallosjes së kësaj qeverisje pa moral dhe pa vision. Tani në plotë kuptimin e fjalës i them atyre se shqiptarët e kanë kuptuar politikën e tyre të përkuljes dhe tashmë rina shqiptare e ka kuptuar se është një kohë tjetër”.

Rininë Demokratike Shqiptare e nderoi me prezencën e tij edhe kryetari i Partisë Demokratike Shqiptare z.Menduh Thaçi, i cili në fjalimin e tij deklaroi:

“Edhe një herë u vërtetua sot në Strugë se të gjitha mashtrimet siç janë integrimet, vëllazërim-bashkimet, komunitetet, që tha dikush se ne jemi komunitet, nuk pinë ujë. Ne jemi pjesë e kombit shqiptar dhe këtu jetojnë afërsisht 1 milion shqiptarë, të cilët vazhdojnë të kenë kërkesa kolektive. Ne duam hisen tonë, ky shtet nuk do të jetë funksional dhe nuk ka ardhmëri as me politikën e Ali Ahmetit, e as me politikën e Gruevskit. Ky shtet ardhmërinë do të ketë atëherë kur definitivisht duhet të pranohet kërkesa, platforma dhe programi i Partisë Demokratike Shqiptare. Nuk mundet një popull me 1 milion të trajtohet si një pakicë ekstreme, nuk mundet një populli me 1 milion mos ti ofrohet as 1% i buxhetit të shtetit, nuk mundet një popull 1 milionësh ta trajtojnë maqedonasit me shtypje, përkulje dhe nënçmim. I patë figurat para 2-3 ditëve që kishin dalë të manifestojnë në “Aleksandar Palace” me kokat poshtë të gjithë, e kanë të qartë se kanë dështuar, por pamë bashkërisht edhe mashtrimin e rri, tha ai këtu do të ndodhë Ukraina! Po, por kush është Janukovici? Kush është ai që erdhi dhe grabiti me dhunë pushtetin? Kush është ai i cili në politikën e vetë ka me qindra vare dhe sot del dhe na thotë se stema është marrëveshje mes tij dhe partnerit të koalicionit. Mund të bëni më mijëra marrëveshje, por ato nuk do të funksionojnë, ato marrëveshje nuk i pranon Partia Demokratike Shqiptare. Marrëveshjen që ne e ofrojmë është marrëveshja e paqes, stabilitetit, harmonisë në Maqedoni dhe integrimit sa më të shpejtë në strukturat euroatlantike. Ne jemi sot gati që të futemi në një betejë të vërtetë për ta rifituar legjitimitetin e popullit shqiptar, megjithatë mos të mendojnë se jemi të marrë, të gjithë ato vota që u morën me dhunë, më kërcënim, të gjitha ato rezultate që u nxorën me trembje dhe fiksim, 0 për PDSH-në dhe 900 për BDI-në e kanë këtë efekt dhe e kanë këtë politikë. Unë sot në emër tuaj do tu drejtohem hapur popullit tonë, do tu themi se vota është çështje hyjnore, nuk është çështje letre, të gjithë ata që kanë votuar për BDI-në dhe për z.Ali Ahmeti janë bërë pishman, por kjo vëllezër dhe motra nuk është boll, duhet të gjithë të bashkohemi, të angazhoheni ti bashkoheni kësaj platforme dhe definitivisht ta realizojmë qëllimin tonë. U bënë gati 23-24 vite që na mashtruan me emra dhe thirrma të ndryshme partie PPD, PRD, MRD, IRD, BDI, fatkeqësisht nuk e kuptojnë se të gjithë punojnë për ta eliminuar PDSH-në. Gabim! Të gjithë punojnë për ta eliminuar çështjen kombëtare, të gjithë punojnë për ta eliminuar çështjen shqiptare prej këtu. Apeli i vërtetë i joni nga kjo konferencë është se vetëm kjo është rruga e drejtë”. 

Faleminderit rinisë, faleminderit Strugës, suksese!

 

 

 

Kryetari i PDSH-së në takim me Kryetarin e Kuvendit të Shqipërisë, z.Ilir Meta

Kryetari i Partisë Demokratike Shqiptare z.Menduh Thaçi takoi sot në Shkup Kryetarin e Kuvendit të Shqipërisë, z.Ilir Meta.

Pas takimit, Kryetari i PDSH-së, z.Menduh Thaçi në prononcimin e tij për shtyp deklaroi:

“Jo vetëm kënaqësi por është edhe nder për mua sot si udhëheqës i opozitës që takova Kryetarin e parlamentit të Shqipërisë, z.Ilir Meta. Ashtu siç tha Kryetari biseduam për shumë çështje dhe unë e sigurova që PDSH-ja asnjëherë nuk do të jetë problemi, por do të jetë pjesë e zgjidhjes së problemit. Do të vazhdojmë me një politikë të fortë opozitare, por pa dyshim konstruktive. I thash shqetësimet e mija  për Maqedoninë që është në një proces të bllokimit total të dy çështjeve fondamentale që garantojnë mbijetesën e Maqedonisë, integrimi drejt unionit evropian dhe NATO-s dhe çështje e raporteve ndëretnike, apo realizimit të drejtave kolektive të shqiptarëve. Nuk kam ndonjë shpresë se situata do të mundë të përmirësohet shpejt, por e sigurova kryetarin e parlamentit se PDSH-ja asnjëherë nuk do të bëhet pjesë e aventurave të pakujdesshme, qofshin politike, qofshin të tjera, për shkak se jemi shumë të vetëdijshëm për barrën dhe peshën që e kemi si parti opozitare, për të garantuar një qetësi dhe një stabilitet. Megjithatë bashkërisht ramë dakord që të vazhdojmë komunikimin mes nesh. Shqipëria jep një kontribut të jashtëzakonshëm për stabilitetin e Maqedonisë dhe mbështetjen që jep Maqedonisë drejtë procesit integrues. Ramë dakord që të shihemi shumë shpejtë, por në Tiranë sigurisht”. 

 

Shërbimi për Informim - PDSH

Tetovë, 21.01.2015

 

 

 

 

Pritje madhështore e Kryetarit të PDSH-së në Dollogozhdë

Të shtunën në mbrëmë në shenjë respekt të liderit të PDSH-së, z.Menduh Thaci, në Dollogozhdë u shtrua një darkë solemne. Në një pritje mjaftë madhështore e të ngrohtë Kryetari i PDSH-së u prit me daulle dhe iu shtrua tapeti i kuq.

Ky akt ishte ideuar nga rinia e fshatit si një simbol i mikpritjes dollogozhdare. Kryetari Thaçi, me këtë rast pasi i falënderoi për mikpritjen, potencoi: “atyre që na e kanë zili dhe inat u them se ky është organizimi juaj dhe dëshira juaj, nuk e kam bë unë këtë, dhe ju falënderoj të gjithëve që angazhoheni në këtë aktivitet dhe ju garantoj se shumë shpejt vjen koha jonë, koha e PDSH-së”.

Në këtë darkë ishin të ftuar edhe aktivistë tjerë të rrethit të Strugës. 

Kryetari i PDSH-së në takim me Ambasadorin e Suedisë, z. Matt Staffansson

Në vazhdën e takimeve me diplomatë të huaj në vend sot Kryetari i Partisë Demokratike Shqiptare, z.Menduh Thaçi, qëndroi në Ambasadën e Suedisë në Shkup me ç’rast realizoi takim me Ambasadorin e Suedisë për rajonin, z.Mat Staffansson.

Në qendër të bisedës ishte situata aktuale politike, procesi integrues, si dhe marrëdhëniet ndëretnike në vend.

Në këtë takim Kryetari Thaçi shprehu brengosjen për marrëdhëniet e brishta ndëretnike në vend dhe ngecjen e procesion integrues, duke kritikuar politikën virtuale të qeverisë, me të cilën Partia Demokratike Shqiptare nuk pajtohet.

Bashkëbiseduesit u pajtuan që duhet të jepet kontribut maksimal për relaksimin e marrëdhënieve ndëretnike dhe integrimin e vendit në strukturat euro-atlantike, dhe se në këtë drejtim rikthimi i dialogut të mirëfilltë politik është me rëndësi të veçantë.

Bashkëbiseduesit u ndanë të kënaqur nga takimi, me premtim se ky bashkëpunim do të vazhdojë edhe në të ardhmen.

 

Shërbimi për Informim - PDSH

Tetovë, 21.01.2015

Kryetari i PDSH-së në takim me qytetarët e Ladorishtit dhe Koroshishtit‏

Kryetari i PDSH-së të shtunën në mbrëmje qëndroi në Ladorisht dhe Koroshisht të Strugës, në një bashkëbisedim me banorët e kësaj ane.

Kryetari Thaçi fillimisht qëndroi në fshatin Ladorisht dhe më pas në Koroshisht të Strugës, ku mbajti një takim qytetarët që kishin dalë për një bashkëbisedim me Kryetarin.

Gjatë këtij takimi në Ladorisht, Kryetari Thaçi në fjalimin e tij mes tjerash deklaroi:

“Stema, që doli një ministër shqiptar dhe tha se është stemë shqiptare, është duke i vënë kapak ideologjisë së çmendur të maqedonasve për ta ngritur Maqedoninë si shtet të tyre etnik në shekullin 21. Po ku qëndron problem jonë? Arma me të cilin maqedonasit e përdorin kundër nesh fatkeqësisht edhe para faktorit ndërkombëtar është BDI dhe disa bishta të tjerë, që japin fakte dhe argumente se situate e shqiptarëve është e mirë. Disa bishta të tyre në mes nesh paraqesin një fenomen shumë të rrezikshëm që herë pas here e quajnë veten parti të vogla opozitare. Disa të cilët tentojnë të formojnë parti të reja kur janë me ne shqiptarët thonë jemi shqiptar, ndërsa kur dalin në publik, në program nuk përmendin asnjë fjalë shqiptare. Ka dy elemente të cilat do të duhet ti sqaroj. Elementi i parë është që njeriu prej të cilit kam mësuar politikën zoti Arbër Xhaferri nuk ka të bëj asgjë me dhunë dhe e dyta moshën e kam më të tillë dhe nuk jam më i ri siç u dukem atyre, nuk bëj asi gjërash. Unë po u them edhe një herë hapur, për hir të interesit të përgjithshëm i kaloj të gjitha, sepse po të kisha qen person privat secilit do t’ia kishe treguar vendin. Po sulmojnë atje ku mund ta zhdukin më lehtë këtë parti. Ky i fundit ja nisi diku më poshtë, por këto gjëra përdoren për ta mbuluar fenomenin e keq të tradhtisë”.

Kryetari Thaçi në Ladorisht në fund të takimit një numri të simpatizantëve të PDSH-së u shpërndau libreza anëtarësie, me ç’rast ata u bënë anëtarë të plotë të PDSH-së.

Pas këtij takimi lideri i PDSH-së qëndrojë edhe në fshatin Koroshishtë ku do të realizojë një takim të zgjeruar me banorët e këtij fshati të Strugës.

 

PDSH: Shqiptarët e Tetovës dhe Gostivarit në “Dhoma Gazi”‏

Politika e gabuar e kësaj qeverie VMRO-BDI reflektohet edhe në segmentin më të ndejshëm siç është shëndetësia. Varfëria, mospërkujdesja, neglizhenca gjithë këto janë faktor që në mënyrë direkte apo indirekte ndikojnë në shëndetin e qytetarëve e veçmas te shqiptarët.

Janë shqetësuese rastet dhe shifrat alarmante të sëmurëve nga sëmundjet e ndryshme përfshirë këtu edhe rritjen e numrit të aborteve, jo vetëm ne Tetovë por edhe në vendbanimet tjera ku jetojnë shqiptarët, për të cilën mungon një analize e hollësishme dhe transparencë për faktorët që ndikojnë në paraqitjen e këtyre rasteve.

Si pasojë e kësaj politike të mbrapshtë, gjendja e spitaleve në vendbanimet shqiptare, në veçanti gjendja e spitalit "Klinik të Tetovës" i cili përveç emrit s’ka asgjë të përbashkët me klinikat e mirëfillta.

Gjendja bëhet ende më dramatike në Tetovë, duke pasur parasysh ndotjen e ajrit nga ana e “Jugohromit”. Nga statistikat zyrtare ndotja e ajrit është alarmante ku tejkalohet kufiri i lejuar disa dhjetëra herë.

Për interesa të ndryshme politike, mbase edhe korruptive tolerohet helmimi i banorëve të Tetovës  dhe të pollogut në tërësi. Ndotja e ajrit  me përmasa të tilla shqetësuese shkakton rritjen e dukshme të numrit të sëmurëve nga sëmundjet e traktit respirator, kancerogjene, kardio-vaskulare e kështu me radhë.

Edhe një herë bëjmë thirrje që urgjentisht të merren masa për ndërprerjen e këtij helmimi masiv të shqiptareve në Tetovë dhe rrethinë, që asocojnë në  dhomat e gazit.

Është i dhimbshëm fakti që përgjegjësi direkt për helmimet, është ministri i BDI-së i cili  jo që s’ndërmerr asgjë, por përkundrazi me heshtjen e tij  miraton të njëjtën, gjë që tregon paaftësinë dhe nënshtrimin e tij të plotë, ku si pasojë e këtij vasaliteti helmohen jo vetëm gjeneratat e tashme, por edhe gjeneratat e ardhshme me pasoja të paparashikueshme.

 

Shërbimi për Informim - PDSH

Tetovë, 21.01.2015

 

Kryetari i PDSH-së në takim me banorët e lagjes Serovë të Çairit‏

Kryetari i PDSH-së, z.Menduh Thaçi të enjten në mbrëmje qëndroi në lagjen Serovë të Çairit ku realizoi takime me qytetarët dhe aktivistët e PDSH-së, që kishin dalë për një bashkëbisedim me Kryetarin.

Gjatë këtij takimi Kryetari Thaçi në fjalimin e tij theksoi:

“E dini atë ditë me 27 prill jam plotësisht i vetëdijshëm se ju kanë thënë se u dogjëm, tash ju tu thoni se e keni djeg veten, se duket ashiqare se e kanë djeg vete. Çështja e stemës që u propozua nga një ministër shqiptar vetëm është aj kulmi i injorancës, i bashkëpunimit të BDI-së me partitë maqedonase, përfundimisht për ta bërë Maqedoninë shtet etnik të maqedonasve dhe për ti suprimuar shqiptarët. Kemi shumë vështirësi si PDSH, kemi shumë telashe edhe unë edhe ju, por telashet kryesore që e kemi duhet me i thanë popullit tonë drejtë për drejtë, gabim keni votuar me 27 prill, keni votuar gabimisht dhe e ardhmja përpara na shtyn që ta orientojmë votën jo kundër BDI-së, por kundër armës së maqedonasve, sepse arma me të cilën na luftojnë maqedonasit është BDI-ja, për shkak se edhe në opinionin e brendshëm edhe me bashkësinë ndërkombëtare ata thonë, këta e kanë legjitimitetin, i kanë marrë votat dhe kanë krijuar një distancë të madhe të forcës politike dhe ne e llogarisim si përfaqësues real të tuajin. Çështja e tretë, shpesh, sigurisht më shpesh se unë, ballafaqoheni në teren me pyetje se sa punon PDSH-ja, sa vepron, sa është aktive, duhet me u thënë se PDSH-ja zor të madh kishte duke qenë aktive, por ju e zvogëluat, e dobësuat me 27 prill dhe krijuat një raport katastrofal në parlament, 20 me 7. Çështja e katërt besoni se problem kryesor i PDSH-së dhe i shqiptarëve nuk është BDI-ja, por këto që kanë hy në mes BDI-së dhe PDSH-së, që thonë se formojnë parti politike, nuk dua ti përmendi emrat, por kur ti analizosh në fund të gjithë dalin avokatët e BDI-së dhe avokatët e politikës maqedonase. Ne kemi edhe dijetar edhe analist të cilët unë i respektoj, por nuk mund të pajtohemi me vlerësimin e tyre, ky është momentalisht armiku kryesor i çështjes kombëtare, vlerësimi se realizimi i qëllimeve tona varet prej mirësisë së partive maqedonase, është vlerësim tërësisht i gabuar! Vlerësimi se zgjidhjet e problemeve të shqiptarëve ndodhin me procesin e integrimit është tërësisht i gabuar. Normalisht se në kuadër të kësaj politike do të ketë edhe pasoja ende më të rënda, negative dhe ne jemi këtu për tu thënë disa njerëzve që çuditen me stemat, me Car Dushanin dhe nesër do të çuditen kur ministri shqiptar, shumë shpejt, do ta propozojë ligjin, maqedonishten prej klasës së parë dhe duhet tu themi se kur votohet aty jepet forca e vullnetit politik, që ata të marrin vendime në emër tonë. 

Po ju rikthej temës së vjetër, që është edhe sot e re, se nuk guxon Maqedonia të ngrihet si shtet etnik i maqedonasve, ne nuk kemi zgjidhë asnjë problem, 90% e shqiptarëve që jemi më në moshë e njohim perfekt maqedonishten dhe serbishten, por asgjë nuk ka zgjidhë kjo dhe vazhdojnë të na i shkelin të drejtat tona. Krejt ky konfuzion brenda që krijohet ka një qëllim, parandalimi me çdo kusht që PDSH-ja ta ketë mandatin që të flet në emër të interesave shqiptare. Krejt kjo luftë special e ka këtë qëllim, nuk e ka qëllimin te PDSH-ja, por e ka qëllimin që të mos vijë çështja kombëtare në rend dite, ashtu siç duhet. A kemi ne mundësi që këtë situatë ta përmirësojmë? Me vështirësi dhe me shumë mund kemi mundësi, ne duhet tash padyshim të flasim me ata njerëz të cilët me lehtësi e japin votën tu themi se ja dëmet e asaj vote, le të flasim hapur edhe me bashkësinë ndërkombëtare që tha Bekimi pardje se këto gjëra ndodhin me amin-in tuaj, ju kur pajtoheni. Ne kemi shpresa se kjo situatë në të ardhmen do të shkojë përpara dhe kjo është kryesorja, se është tua nxi kohën Gruevski, secilit, edhe atyre që kanë votuar. Tash faktet dhe argumentet bëhen ashiqare, raporti i progresit të komisionit evropian i rekomandoni Maqedonisë negociatë, por çështjet nuk lëvizin përpara. 

Sa dëshirë e madhe për tu paraqitë këtu se opozita shqiptare duhet të jetë me një vinë me opozitën maqedonase me LSDM-në, sa analistë, disa e quajnë veten edhe intelektual i vlerësojnë këto gjëra se varen nga miqësia e partive maqedonase. A mund të më tregojë dikush prej atyre ku dallohen partitë maqedonase: 1. Për çështjen e integrimit të vendit dhe 2. Për raportin me shqiptarët, njëjtë. 

Sigurisht që ne kemi vështirësi një “pseudo-intelektual” si ministri i drejtësisë që merret me histori, që flet për simbolet dhe të gjithëve na nënçmon dhe thotë ky është flamur shqiptar, ky është luani shqiptar dhe ai sillet kështu për shkak se ai edhe shefi i tij Ali Ahmeti kanë harru se si kanë ardhur në atë karke, le të kthehen pak le ti pyesin ata prindër që e kanë zemrën e djegur prej 2001-shit, që i kanë bijtë në vare dhe një pjesë tjetër që i kanë në burgje. 

Kanë harru për shkak se lehtësisht e manipulojnë vullnetin e shqiptarëve dhe tha njëri se a është kjo një program i BDI-së dhe i qeverisë që sa më shumë me i varfërua shqiptarët dhe pastaj me ble votën, po por kjo ka fund dhe eksplodon siç thonë pleqtë maces kur ia mbyll të gjitha dritaret dhe derën dhe s’ka ku shkon më por ne nuk jemi për këtë variant ne vazhdojmë ta kultivojmë variantin politik. 

Fjalët e mija i rrotullojnë mbrapsht, rregullisht merren me këtë që sa më shumë ta dëmtojnë PDSH-në, paskam thënë unë se me 1 deputet do të hymë në qeveri. Po, por jo kështu, kam thënë me 1 deputet hy në qeveri, por nuk është problem i hyrjes në qeveri, problem është kur të hysh në qeveri ti realizosh premtimet, ta realizosh platformën, se hyni Ilir Meta në Shqipëri me 4 deputetë, por e ka Shqipërinë, i ka të zgjidhura problemet etnike, po ja këta me 20 tash a zgjidhën ndonjë problem? 

Cili është dallimi mes kësaj politike që ushtrojnë ata dhe dallimi i politikës se PDSH-së - integrim, vëllazërim bashkim? Ka ra kjo ide, idea e PDSH-së është opozitë etnike. Më lejoni pak ta banalizoj në aspektin financiar që të jetë më e lehtë, dallim është këtu se PDSH-ja pjesëmarrjen në qeveri e kushtëzon me 1 miliard e 200 milion euro në vjet për shqiptarët, për interesin shqiptar, për kulturë, për infrastrukturën, ndërsa këta e kushtëzojnë me një vend pune, me 130-140 euro dhe ai vendi i punës më pastaj 2000 administrator i mban nëpër shpija dhe ne shqiptarët themi super, ai nuk shkon në punë e merr rrogën. Nesër kur do të duam të hymë në unionin evropian, që të gjithë kemi dëshirë të hymë në unionin evropian, atje ka kushte, standard. Për të ardhur në postet drejtuese shkruan se sa vite duhet të kesh përvojë, p.sh në polici për tu bërë komandant policie duhet 5 vite të kesh komandua sektorë, e dinë ata që punojnë në polici, për të qenë krye shef 12 vite, por këto që rinë nëpër shtëpia nuk shkojnë në zyrë që të përsosen profesionalisht, kur do të bëhen udhëheqës”.

 

 

 

 

Konferencë për shtyp e deputetit të PDSH-së z.Gazmend Aliu

Sot në rend dite janë ndryshimet Kushtetuese të cilat ndryshime nuk aprovohen me një konsensus të gjerë etnik dhe politik, paraqesin në vete edhe një tendencë majorizimi dhe anashkalim të problemeve reale me të cilat ballafaqohen shqiptarët në Maqedoni.

Të ndryshosh pjesët që kanë të bëjnë me martesat e homoseksualeve, bankën, zonat ndërkombëtare financiare, e të mos preken pjesët që kanë të bëjnë me avancimin kualitativ të drejtave të shqiptareve, është një hipokrizi e llojit të vet.

Z.Ahmeti - Kryetari i BDI-së në zgjedhjet e fundit presidenciale të vitit 2013  kërkonte president konsensual, kërkonte çka nuk kërkonte, vetëm për ta bërë mashtrimin e radhës dhe tani kur e ka mundësinë për ta bërë  ai hekë dorë ashtu si ka hequr dorë prej shume të drejtave që kanë të bëjnë me shqiptarët.

Ju kujtohet Alia ç’farë thoshte, citojmë: "Vetëm maqedonasi duhet të jetë Kryeministër, President, Kryetar Parlamenti, funksione me përgjegjësi morale, politike në vend? Pse shqiptarët nuk janë bartës të këtij sovraniteti? Pse shqiptaret nuk janë përgjegjës për këtë shtet? Ne duam të demonstrojmë fuqinë tonë, që ky vend është edhe i yni.", për të vazhduar pastaj me deklaratat nga BDI-së citojmë: "Zgjedhjet e 13 prillit do të jenë zgjedhjet e fundit të drejtpërdrejta presidenciale në Maqedoni. Menjëherë pas zgjedhjeve, BDI-ja edhe formalisht do të nxiste ndryshimet kushtetuese për zgjedhjen e presidentit në Kuvend". Pyetje publike: Ku mbeti presidenti konsensual?!

Përveç kësaj për shqiptarët me prioritet janë edhe këto që BDI nuk i përmendë: Ndarjen proporcionale të buxhetit ku shqiptaret duhet te marrin hisen që ju takon, Zyrtarizimin e plotë të gjuhës shqipe, Presidenti konsensual, Ligji për Qeverisje ku vendimmarrja duhet të rregullohet me konsensus të plotë etj. Këto ndryshime janë kërkesa reale të shqiptarëve, për këto ndryshime ka nevojë Kushtetuta. Çdo gjë tjetër është joserioze dhe tallje me shqiptaret.

 

Shërbimi për Informim - PDSH

Tetovë, 20.01.2015

 

Kryetari i PDSH-së në takim me banorët e Kumanovës‏

Kryetari i PDSH-së, z.Menduh Thaçi të enjten në mbrëmje qëndroi në Kumanovë ku realizoi takime me qytetarët dhe aktivistët e PDSH-së, që kishin dalë për një bashkëbisedim me Kryetarin.

Gjatë këtij takimi Kryetari Thaçi në fjalimin e tij theksoi:

“Ne nuk jemi engjëj dhe të pagabueshëm, por për një send njihemi se ne flasim drejtë, duhet tu thoni juve e zvogëluat PDSH-në, e shtypët. Gjithë ajo votë e padrejtë, unë nuk mund të bëhem hipokrit e të them se populli ka të drejtë kur voton, unë e them atë që e mendoj që është gabuar rëndë me votën që i është dhënë kësaj strukture e cila jo që nuk i përfaqëson shqiptarët, por është bërë armë në duart e maqedonasve, nëpërmjet cilës armë luftohen shqiptarët. Duhet me ua shpjeguar njerëzve se 153 mijë edhe ata që kanë votuar dhe atë mbrëmje kur me gëzim kanë thënë se u dogjën, e keni djeg veten, nuk e keni djeg askënd, keni djegë fëmijët tuaj, perspektivën tuaj dhe gjithë ky mashtrim një pas një kapaku po i vihet me stemën. Çka është problem i stemës? Ajo që lufton PDSH-ja 22 vjet që të mos krijohet shteti etnik i maqedonasve, ajo që lufton 22 PDSH-ja që të thuhet shqiptar, kërkesa etnike, kërkesa kolektive, jo formulime qesharake integrim, bashkim ose diçka. Përveç stemës do të ketë edhe gjëra të tjera më të rënda edhe nuk duhet askush të habitet, e gjithë ajo luftë sistemore e madhe kundër PDSH-së nuk e ka emrin luftë kundër PDSH-së, por e ka emrin luftë kundër idealit dhe idesë shqiptare. Më tha njëri në Gostivar duhet ti bashkosh këto opozitar. Kush janë ata opozitar? Çka e dallon PDSH-në prej gjithë këtij mesi, prej të gjithë këtyre analistëve të cilët sot paraqiten me lloj-lloj struktura të reja? Fjala “besa” në asnjë pikë programore nuk përmendet shqiptari, në asnjë referat nuk përmendet shqiptari, e tash krejt kjo luftë duhet të përfundojë në një relativizëm të palejueshëm mes BDI-së dhe PDSH-së. Të jeni të sigurte ata që thonë se Menduh Thaçi është më i keq se Ali Ahmeti janë 1 mijë herë më të mirë, se sa ata që thonë se janë njëlloj të dy, ata që thonë se PDSH-ja është më e keqe se BDI-ja 1 mije herë janë më të mirë se sa ata që thonë se janë njëlloj, se ai që thotë je më i keq, janë më të këqij, e krejt kjo ka një qëllim që atë idenë kombëtare, kërkesat kolektive të shqiptarëve të fshihen një herë e përgjithmonë. Ministrin e arsimit që është shqiptarë prapë do ta detyrojnë ta ri-propozojë ligjin që e rrëzoi PDSH-ja në gjyq kushtetues që maqedonishtja të mësohet prej në klasë së parë. Krejt këto gjëra ndërpriten vetëm me atë aktivitet të fuqishëm natë e ditë, jo vetëm kohën e zgjedhjeve siç tha Orhani të gjithë me i bindë se ata që kanë menduar se problemin personal e zgjidhin dhe u sos dynjaja- asgjë nuk u sos, pa e zgjidhur problemin kolektiv, të drejtave kolektive, këtu nuk kemi zgjidhur asnjë problem. A kemi ne mundësi të rezistomë? Po kemi, por i pari që e drejton strukturën e reziston pavarësisht prej forcës që e ka, se kur reziston në mënyrë të zhdrejtë me forcën tënde rrezikon që të shkathohesh dhe dëmtohesh krejt. Këto duken se janë fjalë të rënda, por vet jemi dëshmitar të kësaj kohe, jemi dëshmitar të sulmeve të pandërprera drejt PDSH-së për ta eliminuar atë idealin kombëtar që e kanë të gjithë shqiptarët e Maqedonisë, si të gjithë shqiptarët tjerë. Të gjithë ata që japin kritikë për punë e PDSH-së duhet me u thënë të renditem brenda në radhët e PDSH-së që të bëhemi më shumë dhe më të fortë. Pse gjithë ky sulm i madh, gjithçka u bë që të bëhen 20 deputetë, për shkak se duheshe të ndodhte stema, për shkak se BDI-ja duheshe ta ketë mekanizmin e badinterit që të gjitha projektet që i kanë në dorë maqedonasit ti realizojnë me amin-in e këtyre shqiptarëve që janë brenda”.

 

 

Kryetari i PDSH-së priti në takim Ambasadorin e BE-së, z.Aivo Orav

Kryetari i PDSH-së z.Menduh Thaçi sot në selinë qendrore të partisë priti në takim Ambasadorin e Bashkimit Evropian, z.Aivo Orav.

Kryetari i Partisë Demokratike Shqiptare, z.Menduh Thaçi në selinë e partisë në kuadër të takimeve me përfaqësuesit ndërkombëtarë, realizoi takim me Ambasadorin e Bashkimit Evropian, z.Aivo Orav.

Në këtë takim u diskutua për situatën aktuale politike, procesin integrues,  marrëdhëniet ndëretnike në vend dhe tema të tjera me karakter politik.

Kryetari Thaçi në takim potencoi se çështja e cila të gjithëve na shqetëson është mungesa e perspektivës euroatlantike, që është një fenomen brengosës, duke theksuar se faji për bllokimin e procesit integrues është te Qeveria e Maqedonisë. Kryetari më tej theksoi se dështimet në proceset integruese të vendit janë frustuese për qytetarët dhe në këtë drejtim të gjithë jemi të zhgënjyer. 

Në lidhje me marrëdhëniet ndëretnike Kryetari Thaçi theksoi se PDSH ka ngritur vazhdimisht shqetësimet në këtë drejtim dhe se politika e PDSH-së mundohet të paraqet një preventivë dhe kjo preventivë është Platforma e Partisë Demokratike Shqiptare.  

Kryetari Thaçi më tej vlerësoi se janë momente shumë të rëndësishme për vendi dhe rajonin. PDSH gjatë këtij procesi tejet delikat do të vazhdoj të jetë konstruktive dhe nuk do të bëhet pengesë në asnjë moment, nëse qeveria i qaset me seriozitet premtimeve të veta.

Bashkëbiseduesit ranë dakord se duhet të rikthehet dialogu i mirëfilltë politik mes forcave kryesore politike, ku të gjitha palët duhet të mbajnë pjesën e tyre të përgjegjësisë për të ardhmen e vendit, por se nga Qeveria e Maqedonisë varet nëse do t’i zbatojë reformat drejt rrugës së integrimeve euroatlantike. 

 

Shërbimi për Informim - PDSH

Tetovë, 16.01.2015

 

Kryetari i PDSH-së në takim me banorët e Tearcës dhe të lagjes sahat në Gostivar

Kryetari i PDSH-së, z.Menduh Thaçi të mërkurën në mbrëmje qëndroi në Tearcë dhe në Gostivar, ku realizoi takime me qytetarët dhe aktivistët e PDSH-së. Kryetari Thaçi fillimisht qëndroi në fshatin Tearcë dhe më pas në lagjen sahat të Gostivarit, ku mbajti një takim me aktivistët dhe qytetarët që kishin dalë për një bashkëbisedim me Kryetarin.

Gjatë këtij takimi në Tearcë, Kryetari Thaçi në fjalimin e tij theksoi:

“Ju e dini se ditën e zgjedhjeve ata që thonë se na mundën bënë shumë festë, bile edhe thonë i dogjëm e kështu me radhë, por shihni se menjëherë pas zgjedhjeve ata e kuptojnë se e djegin veten, nuk e djegin as Menduh Thaçin, as udhëheqësin e PDSH-së as vet PDSH-në, por e dëmtuan shumë keq veten. Dje e kisha një takim me komisaren e lartë të OSBE-së për pakicat, i shprehëm qëndrimet dhe pakënaqësitë tona për raport progresi për rekomandimet që e mori Maqedonia, por megjithatë tha, si të duket se aty në raport shkruan se duhet të formohet një komision që ta sheh implementimin e marrëveshjes së Ohrit deri ku ka arrit. Thashë më vjen mirë që i thoni fjalët që i thotë partia jonë që para 10 viteve  se duhet të krijohet një komision dhe të evidentohet, të shihet sa është realizuar Marrëveshja e Ohrit. Prej këtu po dal te kjo e fundit se me i rëndit të djegurat që i pësojnë shqiptarët prej strukturës drejtuese të BDI-së nuk na del as nata, as dita nesër, e as java. Kjo çështje me stemën që ndodhi lloj-lloj njerëz po shoh se dalin dhe japin analiza, edhe një herë duhet ti përkujtojmë se që nga 1993 e deri më sot kjo është e vetmja parti që gjatë gjithë kohës e kupton se çka është projekti i maqedonasve, ngritja e shtetit etnik maqedonas dhe eliminimi i shqiptarëve prej krejt të drejtave kolektive që atyre u takojnë. A do të ndalet ky represion dhe kjo e keqe vetvetiu? Jo, hala ma keq do të bëhet, do ta shihni shumë shpejt, do ta detyrojnë ministrin e arsimit që është i BDI-së ta propozojë ligjin prej klasën e parë prapë edhe njëherë maqedonisht, ky ishte presioni apo sugjerimi që dje ma bënte komisarja e lartë, se duhet edhe ne ta pranojmë. Thashë mund ta pranoj intelektualisht edhe unë, edhe partia ime, s’kemi asgjë kundër maqedonishtes, shumica absolute e dimë, sa më shumë gjuhë të dimë aq më mirë, por nuk e pranojmë në aspektin e drejtësisë, për shkak se bëhet përshkallëzim, qytetarët nuk janë të barabartë para ligjit, njëri detyrohet ta mësojë gjuhën, e tjetri e ka me dëshirë, por tha se megjithatë ju duhet ta mësoni gjuhën, se kështu ndaheni, a duhet të integroheni. I thashë më vjen keq, por do të ti tregoj do fakte shumë frapante që do të bindesh se nuk është kështu. Kroatët, Serbët dhe Boshnjakët e kishin gjuhën e njëjtë, bile përqindje të përzier të martesave 40% dhe konflikti mes tyre ishte fatal për ata popuj, sidomos për boshnjakët. Më pyeti se çka donë të thuash? Thash se konflikti erdhi si dëshirë e çmendur e serbëve për ti mbisunduar popujt tjerë. Edhe mundësia e konfliktit në Maqedoni është si dëshirë e çmendur e maqedonasve për ti mbisunduar shqiptarët. E tash këto fjalë tjera mendoj se nuk ka hapësirë për ti analizuar, se luani është edhe i shqiptarëve. Duhet të konstatojmë bashkërisht se këtë nuk e ka bërë as PPD-ja në 1992 kur ka qenë shumë e dobët. Po pse këta njerëz bëjnë kështu? Për shkak se lehtë vinë deri te vullneti i këtij populli. Ju e dini disa herë e kemi përmend prej atij 500 denari, e deri te kërcënimi me telefon se do të të nxjerr prej pune, përfundimisht, jo që nuk lëshojmë pe, por do të mundohemi ti bindim edhe njerëzit tjerë se nuk i rezistohet kësaj pa organizim të fortë politik, pa opozitë të fortë. Të gjithë e kanë dëshirën e rezistencës, por nuk mund ta bëjnë. E vetmja mënyrë për ta bë rezistencën të qëndrueshme, për të mbri deri të rezultati i vërtetë është organizimi politik dhe përforcimi i opozitës. Opozita e vërtetë është Partia Demokratike Shqiptare, janë këta njerëz të cilët sakrifikojnë prej çështjeve individuale që për të mbrihet deri të çështjet kolektive. A ka shpresa? Po sigurisht, po çka janë këto diskutime që dalin në opinion tash, nuk dua emrat ti përmendi se keqkuptohemi, thonë është kundër atij, kundër këtij, njerëz, media, analist të cilët kanë bërë gjithçka që të vijë deri të humbja e PDSH-së, tash na dalin si shpëtimtarë me formula se kjo situatë ndryshon kështu . Situata e shqiptarëve të Maqedonisë do të ndryshojë në momentin kur vullneti politik i shqiptarëve do të shkojë drejt këtij përcaktimi dhe drejt kësaj platforme. Të gjithë ata që kanë menduar se na kanë djegur neve, se nuk i kemi fituar zgjedhjet, duhet tua zgjatim dorën dhe tu themi  se u dogjët ju, nuk u dogj dikush konkret, por u dogj interesi i shqiptarëve”.

Gjatë takimi në Gostivar, Kryetari Thaçi në fjalimin e tij deklaroi: 

“Ne bashkërisht po i bëjmë disa analiza jo për ne që jemi këtu, por për të fol me njerëzit tjerë të cilët kanë menduar se me rrugë tjera do të arin ti realizojnë qëllimet e tyre individuale, familjare, si shtet dhe si komb. Këto rrugë totalisht kanë dështuar, nëse sot shohim në opinion, në televizion ku thonë, ja ai është kundër meje, kjo është politikë? Nuk jemi kundër njëri tjetrit, janë çështje të ballafaqimit politik dhe kjo çështja e stemës me at luanin e ‘’Shqipërisë’’ nxori në shesh shumë njerëz. Për një pjesë kam shumë respekt të madh se janë dijetar, ata dinë dhe u kujtohet tash se maqedonasit nuk kanë hek dorë prej qëllimit që ta ngritin shtetin etnik të maqedonasve, por pjesa më e madhe e këtyre dijetarëve këto 20 vite na kanë folur për integrim, se edhe partia tjetër e ka emrin integrim, na kanë folur për bashkëpunim, na kanë folur se të drejtat qytetare janë para të drejtave kombëtare. Mirë që pranojnë se kjo është tërësisht e gabuar, stema vetëm reflekton një politikë agresive e maqedonasve, e cila do që të ketë politikë agresive, rezistuese nga ana e shqiptarëve. Jo për të drejtat e qytetarëve, por për të drejtat kolektive kombëtare, shumë prej miqve tonë, kolegëve, vëllezërve që kanë menduar se do e zgjidhin problemin individual, e panë spektaklin mbrëmë në Gostivar edhe në mëngjes, nuk e quaj negative, mirëpo këto fenomene negative dikush i ka stimuluar, dikush i ka ngrit, dikush nuk i ka penguar, dhe më pastaj kur është në dorë ligji i ati tjetrit, ai e bën ligjin ligj e pa ligj, në emër të krimit e godet dikë tjetër, por në aspektin kombëtar, krejt këto lojëra prej te luani i stemës e deri te çështjet më të vogla  vëllezërit tonë shohin se nuk shkon ashtu. Unë jam i vetëdijshëm se nuk është e lehtë, shqiptarët që e mbështesin këtë drejtim çdo ditë ballafaqohen me represion, i nxjerrin prej pune, u bëjnë shtypje të shumta, ndjekje të ndryshme, e kështu me radhë, por ky numër i shqiptarëve dita-ditës po ritet dhe është mirë që ritet dhe besoni se duhet të gjithë së bashku të luftojmë krejt kombin ta bindim se kjo është rruga që na i zgjidh problemet. Ka edhe parti tjera, kjo është demokraci, çdo kush ka të drejtë të formojë parti, të konkurrojë. Besa, po pse ky konfuzion duhet të krijohet te shqiptarët?  Fjala besa, e referati askund nuk përmendet shqiptar, diskutimi askund nuk përmendet shqiptar, krejt insistimi është me i eliminuar idetë, programin, platformën e PDSH-së, dmth ne kërkojmë të drejta qytetare! Atëherë pa hidhnim, pa menduar se dikush dikë e godet, rruga më e mirë është që shqiptarët të bëhen anëtarë të LSDM-së dhe VMRO-së për të drejta qytetare, kur je afër aty shumë lehtë e realizon një të drejtë  individuale. Dje kisha takim me komisaren e lartë të OSBE-së që ka të bëjë me pakicat dhe mora vesh se shumë shpejtë ministri i arsimit që është shqiptar prapë do ta propozoj ligjin që maqedonishtja të mësohet prej klasës së parë dhe detyra e komisares dhe ekipit ishte në një mënyrë shumë intelektuale, të butë dhe moderuar ta binde kryetarin e PDSH-së se edhe PDSH-ja duhet ta përkrahë. Unë i ndajta dy tema, i thashë zonjë intelektualisht dhe unë e përkrahi që shqiptarët ta mësojnë maqedonishten, por edhe maqedonasit ta mësojnë shqipen, për shkaqe të drejtësisë. Nëse ligji i drejtohen vetëm një qytetari me gisht se ti duhet ta mësosh këtë gjuhë i bën qytetarët të pabarabartë. Tha unë mendoj se kjo është e vetmja mënyrë për t’ju integruar juve shqiptarëve dhe maqedonasve për shkak se dita-ditës shkoni drejt ndarjes. I thashë më vjen keq por duhet të jem i sinqertë t’ju them se në ish Jugosllavi kroatët, serbët dhe boshnjakët kishin të njëjtën gjuhë, bile martesat të përziera, por rezultojnë me konflikt fatal, u vranë 300 mijë njerëz. Por pse ndodhi kjo ? Për shkak të dëshirës së çmendur të serbëve për ti mbisunduar popujt tjerë, edhe kjo që ju kërkoni të hyjë në ligj është dëshira e çmendur e maqedonasve për ti mbisunduar shqiptarët, dhe kështu vetëm e shtyjnë pak më tutje aspektin e konfliktit në mes këtyre dy popujve. Ndryshe po të duam që këto dy popuj të jenë të integruar, duhet ti bëjmë qytetarët të barabartë para ligjit. Tha a keni ndonjë propozim? I thash po, ligji të thotë qytetarët obligohen prej klasës parë fillore ti mësojnë gjuhët zyrtare, thotë se gjuha juaj nuk është zyrtare, por në kushtetutë shkruan ashtu, ata që i keni ‘’zgjedhë’’ për t’ju përfaqësuar juve, kështu e komentoj, thashë se gjithmonë kur shkelen marrëveshjet duhet ta keni parasysh se konflikti është në prag, unë nuk e di se çka bëjnë dhe si e komentojnë qeverisjen këta shqiptarët, por e di një histori shumë të shkurtë. Para disa viteve në 2001 kur kemi krijuar kornizën e bisedimeve për Marrëveshjen e Ohrit kemi qenë: ndërmjetësuesi amerikan Perdju, Arbën Xhaferi dhe unë, na ka thënë se prej 5 kërkesave që ju i keni një do ta pranoj dhe kryetari i ndjerë tha: Gjuhë, vetëm kërkesën e gjuhës, normalisht unë atëherë i thashë: Kryetar pse? Kryetari tha: gjuha i federalizon të gjitha gjërat, gjuha e federalizon edhe buxhetin, territorin, të drejtat, edhe përfaqësimin e drejtë, e kështu me radhë dhe më pastaj kjo bisedë u bart në Ohër, prej 13 ditëve, 7 ditë është biseduar për gjuhë, prej 7 ditëve, 5 ditë ka qenë Solana ndërmjetësues në bisedime dhe u vendos që formulimi të jetë gjuhë zyrtare. 

Shqiptarët kanë nevojë për të drejta etnike, e jo për të drejta qytetare. Kur do ta zgjidhim këtë problem atëherë do të shpërbëhet PDSH-ja, le të bëhen plot parti tjera liberale, social-demokrate, e kështu me radhë, por krejt kjo duket shumë e komplikuar për shkak se ka njerëz që më thuan hapur: Kryetar deri kur kështu, dil prej këtu, bëhu funksionar, largohu dhe unë dua të jem i sinqertë, deri sa ti zgjidhi problemet etnike do të jetë kjo situatë dhe duhet të jemi të vetëdijshëm plotësisht. A kemi rrugë tjetër? Nuk kemi sepse përveç asaj që BDI-ja nuk realizon dhe manipulon me premtime, besoj se të gjithë jemi dakord se bisedohet për një paaftësi totale profesionale. Si flet ministri i drejtësisë për heraldik, si i interpreton këto gjëra, për shkak se gjithçka është tollovit, spitali pa ngrohje pa infuzione, arsimi i shkatërruar, infrastruktura e shkatërruar dhe më pastaj kemi një energji manipulative në aspektin e marketingut politik, përqafohemi me një maqedonas ortodoks i cili prej sot është shpall shqiptar ortodoks, kjo nuk është keq, ndoshta është shuar një shqiptar, por këto shqiptarët tjerë që me mija ikin në mungesë të perspektivës, këto si do ti kompensojmë? Jep fakte dhe argument pa ndërpre se në klasat e para fillore para 20 viteve në fshatrat e të shqiptarëve kemi pas nga 3-4 paralele, sot nuk arrijmë të bëjmë një paralele. Nuk funksionojmë, ne nuk i gjykojmë njerëzit të cilët nuk votojnë për ne, mirëpo unë nuk mund të bëhem hipokrit modest e tu them ju keni të drejtë, por u them ju keni gabuar kur keni votuar, patjetër ta them se çdo ditë argumentohet kjo, çdo sekondë, me çdo vendim argumentohet kjo se ka qenë një votim i gabuar. Çdo moment të gjithë e shohim dhe të gjithë të themi shumë keq u bë, a nuk është kjo boll? A mund ne të mobilizohemi? Patjetër, gjithkush që e mendon se duke shkuar në linjë individuale do të zgjidhet problemi jonë besoj se më është moment i fundit ku të gjithë bimë dakord se pa e forcuar organizimin tonë politik, opozitar, etnik nuk duhet të kemi shpresa se situate do të përmirësohet, të gjithë atraksionet që mundohen të plasohen muajt e fundit janë imitacione e të kaluarës”. 

 

 

 

HomeInfo qendra
Zo2 Framework Settings

Select one of sample color schemes

Google Font

Menu Font
Body Font
Heading Font

Body

Background Color
Text Color
Link Color
Background Image

Top Wrapper

Background Color
Modules Title
Text Color
Link Color
Background Image

Header Wrapper

Background Color
Modules Title
Text Color
Link Color
Background Image

Mainmenu Wrapper

Background Color
Modules Title
Text Color
Link Color
Background Image

Slider Wrapper

Background Color
Modules Title
Text Color
Link Color
Background Image

Scroller Wrapper

Background Color
Modules Title
Text Color
Link Color
Background Image

Mainframe Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Menu Wrapper

Background Color
Modules Title
Text Color
Link Color
Background Image

Bottom Wrapper

Background Color
Modules Title
Text Color
Link Color
Background Image
Background Color
Modules Title
Text Color
Link Color
Background Image