XXX porn Mobil Porn Teen Porn porn film Porn tube XnXX mature porn  Info qendra
Web Faqja zyrtare e PDSH-se
Has shqiptar

Nga vendi

Menduh Thaçi takoi Ambasadorin e Frencës, Kristian Timonie

Kryetari i Partisë Demokratike Shqiptare, Menduh Thaçi sot në selinë e partisë priti në takim Ambasadorin e Francës në vend, Kristian Timonie.

Në takim u bisedua për krizën dhe zhvillimet e fundit në vend, si dhe ecurinë e reformave që Maqedonia duhet ti përmbush drejt proceseve integruese.

Kryetari Thaçi e njoftoi Ambasadorin francez me qëndrimet e PDSH-së rreth situatës politike në vend dhe pikëpamjet e PDSH-së për zgjidhjen e problemeve të brendshme dhe integrimin e vendit në strukturat euro-atlantike.

Kryetari Thaçi shprehu brengosjen për marrëdhëniet e brishta ndëretnike, situatën ekonomike, si dhe për ngecjen e proceseve integruese, duke vlerësuar se ndodhitë e fundit si dhe përfitimet e partive nga politika ditore kanë devijuar tërësisht rrugën e integrimeve euro-atlantike në NATO dhe BE, si dhe kanë acaruar marrëdhëniet ndëretnike.

Kryetari Thaçi konstatoi se problemet reale të Maqedonisë janë çështja e emrit, të drejtat e shqiptarëve, si dhe funksionimi i institucioneve, andaj Partia Demokratike Shqiptare si parti opozitare do të jetë konstruktive dhe do të përkrah çdo nismë institucionale që ka të bëjë me avancimin e të drejtave të shqiptarëve, me reformat e mirëfillta, si dhe me de-bllokimin e proceseve integruese.

 

Shërbimi për Informim - PDSH

Tetovë, 10.05.2017

Menduh Thaçi takoi Hojt Brajan Ji

Kryetari i Partisë Demokratike Shqiptare (PDSH), Menduh Thaçi, sot në Shkup zhvilloi takim me Zëvendës Ndihmës Sekretarin Shtetëror në Departamentin Amerikan të Shtetit për Evropë dhe Euro - Azi, Hojt Brajan Ji.

Në takim u bisedua për krizën dhe zhvillimet e fundit në vend, si dhe ecurinë e reformave që Maqedonia duhet ti përmbush drej proceseve të integrimit në NATO dhe BE.

Kryetari Thaçi falenderoi përfaqësuesin e lartë amerikan për mbështetjen e vazhdueshme që SHBA e japin për zhvillimin e proceseve demokratike dhe për integrimin e vendit në strukturat euro-atlantike.

Partia Demokratike Shqiptare si opozitë që është do të jetë konsttuktive dhe do të përkrah çdo nisnë institucionale që ka të bëjë me avancimin e të drejtave të shqiptarëve, reformat e mirëfillta  si dhe debllokimin e proceseve integruese në NATO dhe BE.

 

Me respekt,

Shërbimi për Informim – PDSH

Menduh Thaçi priti në takim Ambasadorin e Francës

Menduh Thaçi priti në takim Ambasadorin e Francës, Kristian Timonie

Kryetari i Partisë Demokratike Shqiptare, Menduh Thaçi sot në selinë e partisë priti në takim Ambasadorin e ri të Francës, Kristian Timonie.

Në takim u bisedua për tema lidhur me çështjet aktuale politike në vend dhe rajon, për zgjedhjet e parakohshme parlamentare, si dhe për proceset integruese të vendit.

Kryetari Thaçi e njoftoi Ambasadorin Francez me qëndrimet e PDSH-së rreth situatës politike në vend dhe procesit të zgjedhjeve të parakohshme, si dhe për ofertën e PDSH-së që do të zgjidhnin problemet e brendshme dhe do të përshpejtonin integrimin e vendit në strukturat euro-atlantike, NATO dhe BE.

Kryetari Thaçi vlerësoi se partitë politike që marrin pjesë në zgjedhje duhet të tregojnë vullnet politik dhe respektimit të normave dhe standardeve ndërkombëtare për zgjedhje të drejta, të lira dhe demokratike, duke theksuar se në qoftë se përsëriten parregullsitë e zgjedhjeve të kaluara siç janë vjedhja e votave dhe falsifikimi i rezultateve, atëherë këto zgjedhje do të jenë të pavlefshme për Partinë Demokratike Shqiptare.

Bashkëbiseduesit u pajtuan se zgjedhjet e parakohshme parlamentare duhet të jenë korrekte, të besueshme dhe demokratike, për ta rikthyer vendin në agjendën e integrimeve euro-atlantike.

Shërbimi për Informim - PDSH

Tetovë, 21.10.2016

Menduh Thaçi takoi Ambasadorin e Gjermanisë, Kristine Althauser

Kryetari i PDSH-së priti në takim Ambasadoren e Gjermanisë, Kristine Althauser

Kryetari i Partisë Demokratike Shqiptare (PDSH), Menduh Thaçi sot në selinë e partisë në Tetovë realizoi takim me Ambasadoren e Gjermanisë në vend, Kristine Althauser.

Në takim u bisedua për situatën aktuale, marrëdhëniet ndëretnike, si dhe pikëpamjet e PDSH-së për daljen nga kriza politike dhe përshpejtimin e procesit të integrimit euro-atlantik.

Kryetari Thaçi shprehu brengosjen për marrëdhëniet e brishta ndëretnike, situatën ekonomike si dhe për ngecjen e proceseve integruese, duke vlerësuar se përfitimet e partive nga politika ditore kanë devijuar tërësisht rrugën e integrimeve euro-atlantike të vendit, si dhe kanë acaruar marrëdhëniet ndëretnike.

Kryetari Thaçi konstatoi se në Maqedoni vazhdon avazi i vjetër i cenimi të të drejtave kolektive të shqiptarëve që në masë të madhe rrëndon akoma më shumë situatën veç më të përkeqësuar politike.

 

Shërbimi për Informim - PDSH

Tetovë, 03.04.2017

Menduh Thaçi në takim me Ambasadorin Bejli

"Ishte një bisedë e rradhës me Ambasadorin amerikan. Të fokusuar në fazën parapregaditore të zgjedhjeve. Konstatimi përbashkët është se zgjedhjet janë pika e parë po kryesorja që mund të dëshmojmë se ne jemi të pregaditur dhe të pjekur të ngritemi në një shtet ligjor. Është shumë me rëndësi të konstatohet se nuk është vetëm problemi te institucionet dhe te individët por duhet të tregohet vullnet politik nga ana e partive politike që do të marrin pjesë në zgjedhje. Unë u zotova se Ne do të jemi në kuadër të respektimit të normave dhe standardeve ndërkombëtare për zgjedhje korrekte dhe fer. Në pyetjen gazetareske lidhur me listat për kandidat të mundshëm Kryetari u përgjigj:

Shumë shpejtë! Do ti bëjmë listat. Brenda 4-5 ditëve. Ju kisha lutur që këtë deklaratë ta jepni komplet ! Deputetët e Partisë Demokratike Shqiptare e kanë kryer misionin më të madh historik dhe kombëtarë. Këto që janë. Ata dëshmuan  (ky fjalor i fortë por është  i vërtetë) Ata dëshmuan se mund të mos shitet dikush. Ofertat ndaj tyre kanë qenë marramendëse, ata kanë qenë besnik dhe lojal ndaj një platforme!"

 

 

 

Menduh Thaçi takoi Ambasadorin e Polonisë, Jacek Multanowski

Kryetari i PDSH-së priti në takim Ambasadorin e Polonisë, Jacek Multanowski

Kryetari i Partisë Demokratike Shqiptare (PDSH), Menduh Thaçi sot në selinë e partisë në Tetovë realizoi takim me Ambasadorin e Polonisë në vend, Jacek Multanowski.

Në takim u bisedua për situatën aktuale, marrëdhëniet ndëretnike, si dhe pikëpamjet e PDSH-së për daljen nga kriza politike dhe përshpejtimin e procesit të integrimit euro-atlantik.

Kryetari Thaçi shprehu brengosjen për marrëdhëniet e brishta ndëretnike, situatën ekonomike si dhe për ngecjen e proceseve integruese, duke kritikuar politikat virtuale dhe teatrin nacional që po zhvillohet kohëve të fundit me të cilat Partia Demokratike Shqiptare nuk pajtohet.

Kryetari Thaçi theksoi se PDSH tash më dëshmoi se është opozitë e vërtetë dhe se nuk do të merr pjesë në këtë teatër politik me të cilin nuk zgjidhen problemet në vend, por do të mbështesë çdo nismë institucionale që ka të bëj me avancimin e të drejtave të shqiptarëve, me reforma të mirëfillta, si dhe me proceset integruese të vendit.

 

Shërbimi për Informim - PDSH

Tetovë, 30.03.2017

Menduh Thaçi priti në takim Ambasadorin e Sllovenisë

Menduh Thaçi priti në takim Ambasadorin e Sllovenisë, Milan Jazbec

Kryetari i Partisë Demokratike Shqiptare, Menduh Thaçi sot në selinë e partisë priti në takim Ambasadorin e ri të Republikës së Sllovenisë, Milan Jazbec, si dhe këshilltaren politike të ambasadorit, Urska Potocnik.

Në takim u bisedua për tema lidhur me çështjet aktuale politike në vend dhe zgjedhjet e parakohshme parlamentare.

Kryetari Thaçi në takim potencoi se një ndër prioritetet e PDSH-së është mbarëvajtja e zgjedhjeve të lira dhe demokratike, si dhe eliminimin e parregullsive të deritanishme siç janë vjedhja e votave dhe falsifikimi i rezultateve.

Bashkëbiseduesit u pajtuan se është përgjegjësi e qeverisë që të organizon zgjedhje të drejta, të lira dhe të besueshme, si parakusht për anëtarësimin e vendit në NATO dhe BE.

 

Me respekt,

Shërbimi për Informim – PDSH

Tetovë, 17.10.2016

 

Menduh Thaçi priti në takim Ambasadorin e Suedisë, Mats Staffansson

Kryetari i Partisë Demokratike Shqiptare (PDSH), Menduh Thaçi sot në selinë e partisë në Tetovë realizoi takim me Ambasadorin e Suedisë në vend, Mats Staffansson.

Në takim u bisedua për situatën aktuale, marrëdhëniet ndëretnike, si dhe pikëpamjet e PDSH-së për daljen nga kriza politike dhe përshpejtimin e procesit të integrimit euro-atlantik.

Kryetari Thaçi shprehu brengosjen për marrëdhëniet e brishta ndëretnike, situatën ekonomike si dhe për ngecjen e proceseve integruese, duke kritikuar politikat virtuale dhe teatrin nacional që po zhvillohet kohëve të fundit me të cilat Partia Demokratike Shqiptare nuk pajtohet.

Kryetari Thaçi theksoi se PDSH tash më dëshmoi se është opozitë e vërtetë dhe se nuk do të merr pjesë në këtë teatër politik me të cilin nuk zgjidhen problemet në vend, por do të mbështesë çdo nismë institucionale që ka të bëj me avancimin e të drejtave të shqiptarëve, reformave të mirëfillta, si dhe me proceset integruese të vendit.

Kryetari Thaçi konstatoi se avancimi i vërtetë i të drejtave të shqiptarëve, ndarja e drejtë dhe proporcionale e buxhetit të shtetit, reformat e mirëfillta, si dhe integrimi i vendit në strukturat euro-atlantike arrihen vetëm nëpërmjet demokracisë konsensuale me parlament dy dhomash.

 

Shërbimi për Informim - PDSH

Tetovë, 01.03.2017

Menduh Thaçi takoi Komisionarin Johanes Han

“Një takim i suksesshëm me Komisionarin Han, u bisedua për fazën e fundit përgatitore për  mbajtjen e zgjedhjeve të parakohshme. Sigurisht Komisionarit Han i interesonin vërejtjet e Partisë Demokratike Shqiptare. Ne vazhdojmë të mbajmë qëndrimin, se nuk do të thotë se do të fillojmë të bëjmë aktivitete parazgjedhore se sigurt do të marrim pjesë në zgjedhje dhe kjo që kemi një qasje konstruktive nuk do të thotë se janë përmbushur të gjitha kushtet që të ketë zgjedhje korrekte dhe demokratike. Për Ne, Partinë Demokratike Shqiptare, deri në momentin kur shpallet rezultati përfundimtar, jo rezultati zyrtar i zgjedhjeve, rezultati përfundimtar i zgjedhjeve, partitë qeveritare VMRO dhe BDI nëse bëjnë një shkelje të vogël, përsëritje të shkeljeve të zgjedhjeve të kaluara atëherë, këto zgjedhje do të jenë të pavlefshme dhe Ne këto zgjedhje do ti bojkotojmë”. 

Në pyetjen gazetareske lidhur me votimin e ligjeve që kërkon PS-ja, Kryetari Thaçi u përgjigj:

Po sigurisht do ti votojmë. Ne jemi parti opozitare etnike dhe jemi tërësisht, gjatë gjithë kohës të kujdesshëm që nënshkrimi dhe vota jonë në asnjë moment të mos interpretohet si lidhje me një parti maqedonase. Keqkuptimi i herës kaluar ka qenë vetëm kjo. Tash do ti votojmë, nuk ka asnjë problem. 

Në pyetjen gazetareske lidhur me atë se a është e patjetërsueshme balancimi i njësive zgjedhore dhe sa qeveria është e interesuar, Kryetari Thaçi u përgjigj:

Po është po ato nuk e bëjnë. Ato e kanë shumicën e deputetëve dhe do të bëjnë një balans manipulativ të njësive zgjedhore, do të ngel njësia zgjedhore Nr. 3 (- 4.9 ose - 4.8) ndërsa njësia zgjedhore 6 do të jetë ( +4.9 ) që faktikisht është 9.5 %  dhe jo 5 % dallimi.

Në pyetjen gazetareske se a mund të kontestohen zgjedhjet në qoftë se nuk e bëjnë këtë, Kryetari Thaçi u përgjigj:

“Do ta bëjnë, një pjesë të Dibrës ta nxjerrin andej”!

Në pyetjen gazetareske lidhur me plotësimin e kushteve për zgjedhje të besueshme, Kryetari Thaçi u përgjigj:

“Mendoj se të gjithë jemi në një proces të fuqishëm të vëzhgimit nga ana e Bashkësisë  Ndërkombëtare. Nuk mendoj që partitë qeveritare VMRO dhe BDI janë serioze në këtë qëndrim. Ata duhet të jenë të vetëdijshëm dhe mos të jenë të kënaqur që u tha se Bashkësia Ndërkombëtare nuk do të ketë vlerësim para zgjedhjeve. Kështu është, por Bashkësia Ndërkombëtare do të ketë vlerësim pas shpalljes së rezultatit përfundimtar të zgjedhjeve dhe ky vlerësim mund të jetë fatal”.

 

 

 

Menduh Thaçi takoi Ambasadorin e Francës, Kristian Timonie

Kryetari i Partisë Demokratike Shqiptare (PDSH), Menduh Thaçi sot në Ambasadën e Francës në Shkup zhvilloi takim pune me Ambasadorin Kristian Timonie.

Në takim u shkëmbyen mendime rreth zhvillimeve të fundit politike dhe integrimit Euro-Atlantik të vendit.

Kryetari Thaçi e njoftoi Ambasadorin e Francës me qëndrimet e Partisë Demokratike Shqiptare rreth situatës politike në vend, si dhe për pikëpamjet e PDSH-së për zgjidhjen e problemeve të brendshme dhe integrimin e vendit në strukturat euro-atlantike, NATO dhe BE.

Kryetari Thaçi ritheksoi urgjencën e rikthimit të çështjes së emrit në agjendë pasi që paraqet pengesë kryesore për anëtarësimin e Maqedonisë në NATO, duke potencuar se procesi Euro-Atlantik është prioritet absolut për Partinë Demokratike Shqiptare dhe shqiptarët e Maqedonisë.

Bashkëbiseduesit u pajtuan se vendi urgjentisht duhet rikthyer në agjendën e integrimeve euro-atlantike.

 

Shërbimi për Informim - PDSH

Tetovë, 22.02.2017

 

Menduh Thaçi priti në takim Ambasadorin e Greqisë, Dimitris Janakakis

Kryetari i Partisë Demokratike Shqiptare, Menduh Thaçi sot në selinë e partisë priti në takim Ambasadorin e ri të Republikës së Greqisë në vend, Dimitris Janakakis.

Në takim u bisedua për tema lidhur me situatën aktuale politike, për zgjedhjet e parakohshme parlamentare, si dhe për marrëdhëniet ndër-fqinjësore mes dy vendeve.

Kryetari Thaçi potencoi se një ndër prioritetet e PDSH-së është mbarëvajtja e zgjedhjeve të lira dhe demokratike, si dhe zgjidhja e kontestit të emrit me Greqinë, që do të hapnin rrugën për integrimin e vendit në strukturat euro-atlantike, NATO dhe BE. 

Bashkëbiseduesit u pajtuan se stabiliteti rajonal arrihet nëpërmjet marrëdhënieve të shëndosha ndër-fqinjësore, e në këtë kontekst zgjidhja e çështjes së emrit nëpërmjet një kompromisi ka rëndësi të madhe për rajonin, fqinjësinë e mire, sigurinë dhe stabilitetin rajonal.  Tejkalimi i këtij dallimi hap rrugën e integrimeve euroatlantike të vendit dhe siguron një perspektiv më të mirë për vendin dhe rajonin. 

 

Shërbimi për Informim - PDSH

Tetovë, 12.10.2016

 

Telegram Urimi me rastin e përvjetorit të pavarësisë së Kosovës

Me rastin e përvjetorit të pavarësisë së Kosovës Kryetari i Partisë Demokratike Shqiptare, z.Menduh Thaçi uroi drejtuesit e Institucioneve të Republikës së Kosovës.

 

Drejtuar:

Presidentit të Republikës së Kosovës, z.Hashim Thaçi

Kryeministrit të Republikës së Kosovës, z.Isa Mustafa

Kryetarit të Kuvendit të Republikës së Kosovës, z.Kadri Veseli

 

Në këtë përvjetor të rëndësishëm për mbarë kombin Shqiptar, gëzohemi për Kosovën si shtet i pavarur dhe urojmë, që Kosova të përparojë drejt integrimit të plotë euro-atlantik dhe në ndërtimin e një të ardhme më të mirë për të gjithë qytetarët e Kosovës.

Kam kënaqësinë e veçantë që në emrin tim personal dhe në emër të Partisë Demokratike Shqiptare të Ju uroj juve dhe gjithë shqiptarëve që këtë ditë ta kremtojmë me krenari dhe me bindje të plotë drejt progresit dhe integrimeve euroatlantike.

 

Me respekt,

Menduh Thaçi

Kryetar i Partisë Demokratike Shqiptare Tetovë,                                               17 shkurt 2017

Imer Aliu takoi përfaqësuesin e NATOs, Laurie Volker

Koordinatori i grupit parlamentar të PDSH-së, Imer Aliu sot në Shkup zhvilloi takim me Laurie Walker përgjegjës për Evropën juglindore për çështjet politike dhe të sigurisë në NATO.
Në takim u bisedua për tema lidhur me çështjet aktuale politike në vend dhe zgjedhjet e parakohshme parlamentare.


Në lidhje me situatën aktuale në vend dhe marrëdhëniet ndëretnike, koordinatori i PDSH-së, Imer Aliu më tej theksoi edhe rëndësinë e organizimit të zgjedhjeve të lira dhe demokratike, si dhe eliminimin e parregullsive të deritanishme siç janë vjedhja e votave dhe falsifikimi i rezultateve.



Bashkëbiseduesit u pajtuan se është përgjegjësi e qeverisë që të organizon zgjedhje të drejta, të lira dhe të besueshme, si parakusht për anëtarësimin e vendit në NATO dhe BE.

 

Me respekt,

Shërbimi për Informim - PDSH

Menduh Thaçi realizoi takim me Ambasadoren e OSBE-së

Kryetari i Partisë Demokratike Shqiptare, Menduh Thaçi sot në selinë e partisë në Tetovë realizoi takim me shefen e Misionit të OSBE-së në vend, Ambasadoren Nina Suomalainen. Në takim u diskutua për krizën politike në vend, si dhe për mënyrat e zgjidhjes së saj.

Kryetari Thaçi e njoftoi Ambasadoren e OSBE-së me qëndrimet e PDSH-së rreth situatës politike në vend dhe formimit të qeverisë së re, si dhe për pikëpamjet e PDSH-së për zgjidhjen e problemeve të brendshme dhe integrimin e vendit në strukturat euro-atlantike, NATO dhe BE, duke theksuar se rrugëdalja e vetme nga kjo situatë është vazhdimi i dialogut të mirëfilltë politik me ndërmjetësim të faktorit ndërkombëtar, që kërkon një qasje të re dhe vullnet të fortë politik nga të gjitha palët.

Kryetari Thaçi potencoi se problemet reale të Maqedonisë janë çështja e emrit dhe marrëdhëniet ndëretnike, gjegjësisht të drejtat e shqiptarëve, andaj pa zgjidhjen e çështjesh së emrit dhe të marrëdhënieve ndëretnike vendi nuk ka perspektivë.

Kryetari Thaçi e siguroi Ambasadoren e OSBE-së se Partia Demokratike Shqiptare do të vazhdojë të kontribuojë dhe të jetë pjesë e proceseve demokratike dhe perspektivës euro-atlantike të vendit.

Ambasadorja Suomalainen falënderoi Kryetarin Thaçi për takimin konstruktiv.

 

Shërbimi për Informim - PDSH

Përfaqësuesit e PDSH-së në takim me Roberto Batelli

Përfaqësuesit e PDSH-së, Azem Sadiku sekretar i përgjithshëm dhe kryetar i shtabit zgjedhor dhe  anëtari i shtabit zgjedhor Bekim Fazliu sot në Shkup zhvilluan takim me përfaqësuesin special në Asamblenë parlamentare të OSBE-së për Evropën juglindore, Roberto Batelli.

Në takim u bisedua për tema lidhur me situatën aktuale politike në vend si dhe për  zgjedhjet e parakohshme parlamentare.

Në takim përfaqësuesit e PDSH-së potencuan se prioritet i Partisë Demokratike Shqiptare është organizimi i zgjedhjeve të lira dhe demokratike, si dhe eliminimi i parregullsive të deritanishme siç janë vjedhja e votave dhe falsifikimi i rezultateve, andaj në këtë drejtim kërkuan përkrahjen e faktorit ndërkombëtarë që të garantohen zgjedhje të lira dhe të besueshme.



Bashkëbiseduesit u pajtuan se është përgjegjësi e qeverisë që të organizon zgjedhje fer, të lira dhe kredibile.

 

Me respekt,

Shërbimi për Informim - PDSH


Menduh Thaçi priti në takim ambasadorin e Italisë, Karlo Romeo

Menduh Thaçi realizoi takim me ambasadorin e Italisë, Karlo Romeo

Kryetari i Partisë Demokratike Shqiptare z.Menduh Thaçi sot në selinë e partisë në Tetovë realizoi takim me Ambasadorin e Italisë në vend, Karlo Romeo. Në takim u bisedua për tema lidhur me çështjet aktuale politike, marrëdhëniet ndëretnike, si dhe për zgjedhjet e parakohshme parlamentare.

Kryetari Thaçi e njoftoi Ambasadorin Italian me qëndrimet e PDSH-së rreth situatës politike në vend dhe procesit të zgjedhjeve të parakohshme, si dhe për ofertën e PDSH-së që do të zgjidhnin problemet e brendshme dhe do të përshpejtonin integrimin e vendit në strukturat euro-atlantike, NATO dhe BE.

Bashkëbiseduesit u pajtuan se zgjedhjet e parakohshme parlamentare duhet të jenë korrekte, të besueshme dhe demokratike, për ta rikthyer vendin në agjendën e integrimeve euro-atlantike.

 

Shërbimi për Informim - PDSH

Tetovë, 18.11.2016

BDI vazhdon të legjitimon diskriminimin ekonomik të shqiptarëve

Deputetit i PDSH-së, Gazmend Aliu sot mbajti konferencë për shtyp:

“Sot flasim për buxhetin e nëntë me radhe nga qeveria BDI-VMRO. Asgjë e re. Nuk është më lajm diskriminimi i shqiptarëve. Lajm është se sa rritet ky diskriminim në çdo buxhet të radhës.

Buxheti është projeksion politik që paraqet idetë e një qeverie, që ekspertët pastaj i shënojnë në numra dhe shifra. Për nëntë vite me radhë, 9 buxhete përfshirë edhe këtë të tanishmin, BDI legjitimon dhe legalizon plaçkitjen e organizuar të djersës, mundit dhe parave të shqiptareve.

Shqiptarët për çdo vjet mbushin arkën e shtetit me mbi 1 miliardë euro dhe vazhdojnë akoma të mbesin pa ujë, pa rruge, me shkolla e tekste shkollore  të shkatërruara e me plot ofendime, spitale pa kushte dhe të helmuar, përderisa maqedonasit falë BDI-së qe ju fal paratë e shqiptareve gjithçka kanë me bollëk, fontana parajsash, teleferikë, rrota panaromike, ujë, rrugë, autostrada, investime, fabrika e gjithçka tjetër që i bën të jetojnë në mirëqenie të plotë.

Dhe e  keqja që mos të përfundojë me kaq, si pasojë e nënshtrimit dhe mos investimeve  të BDI-së, tashme kemi edhe humbje jetë njerëzish nga vërshimet që i kishim vjet në Tetove e sivjet në Shkup.

Partia Demokratike Shqiptare nëpërmjet amendamenteve, kërkojnë për të gjithë shqiptarët, përfshirë këtu edhe BDI-në nëse ndihen si të tillë, projekte që do t’u sigurojnë kushte elementare për jetesë dhe në të njëjtën kohë do të faktojmë diskriminimin e egër që u bëhet shqiptarëve”. 

 

Shërbimi për Informim - PDSH

Tetovë, 28.09.2016

 

Menduh Thaçi priti në takim Shefen e Misionit Mbikëqyrës të OSBE/ODIHR

Kryetari i Partisë Demokratike Shqiptare z.Menduh Thaçi sot në selinë e partisë në Tetovë realizoi takim me Shefen e Misionit Mbikëqyrës të OSBE-ODIHR, Tana de Zulueta. Temë e bisedës ishte situata politike në vend si dhe mbarëvajtja e zgjedhjeve të lira dhe demokratike më 11 Dhjetor.

Në takim Kryetari Thaçi vlerësoi se partitë politike që marrin pjesë në zgjedhje duhet të tregojnë vullnet politik dhe respektimit të normave dhe standardeve ndërkombëtare për zgjedhje demokratike, duke theksuar se në qoftë se përsëriten parregullsitë e zgjedhjeve të kaluara siç janë vjedhja e votave dhe falsifikimi i rezultateve, atëherë këto zgjedhje do të jenë të pavlefshme për Partinë Demokratike Shqiptare, andaj në këtë drejtim kërkoi përkrahjen e faktorit ndërkombëtarë që të garantohen zgjedhje të lira, demokratike dhe të besueshme.

Kryetari Thaçi gjithashtu potencoi se frikësimet, kërcënimet dhe shantazhet ndaj qytetarëve vazhdojnë të ngelin shqetësim kryesor për PDSH-në, si dhe partizimi dhe politizimi i skajshëm i institucioneve. Partia Demokratike Shqiptare në asnjë mënyrë nuk mund të toleroje frikësimin e qytetarëve, aq më pak kur kjo bëhet për qëllime politike – theksoi Thaçi.

Bashkëbiseduesit u pajtuan se zgjedhjet e parakohshme parlamentare duhet të jenë korrekte, të besueshme dhe demokratike, për ta rikthyer vendin në agjendën e integrimeve euro-atlantike.

 

Shërbimi për Informim - PDSH

Tetovë, 11.11.2016

Menduh Thaçi zhvilloi takim me Drejtorin e Institutit Demokratik Kombëtar, Kris Henshou

Kryetari i Partisë Demokratike Shqiptare, Menduh Thaçi sot në selinë e partisë realizoi takim me Drejtorin e Institutit Demokratik Kombëtar (NDI), Chris Henshaw.

Në këtë takim u diskutua për situatën aktuale politike dhe zgjedhjet e parakohshme parlamentare. Bashkëbiseduesit gjithashtu diskutuan edhe për kodin zgjedhor si dhe për mbarëvajtjen e zgjedhjeve të lira dhe demokratike.

Thaçi njëkohësisht u shpreh se Partia Demokratike Shqiptare do të jep kontribut maksimal në përshpejtimin e proceseve integruese, si dhe kërkoi dialog serioz për zgjidhjen e të gjitha çështjeve të hapura dhe me interes për shqiptarët në Maqedoni, mohimi i të cilave e pamundëson ushtrimin e demokracisë së vërtetë në vend dhe minimizon gjasat e anëtarësimit të vendit në strukturat euroatlantike. 

Gjithashtu në takim u diskutuan edhe format e bashkëpunimi konkret mes PDSH-së dhe NDI-së në sferat e trajnimeve të ndryshme dhe këshillave që i ofron ky institut. 

 

Shërbimi për Informim - PDSH

Tetovë, 23.09.2016

Menduh Thaçi realizoi takim me eurodeputetët Fleckenstein dhe Siil

Kryetari i Partisë Demokratike Shqiptare, z.Menduh Thaçi sot në zyrat e BE-së në Shkup realizoi takim me Anëtarët e Parlamentit Evropian, Knut Fleckenstein dhe Jorgen Siil.

Në takim është biseduar për situatën politike në vend, për mbarëvajtjen e zgjedhjeve të lira dhe demokratike, si dhe për proceset integruese të vendit.

Pas takimit Kryetari Thaçi u prononcua për mediat:

Kryetari i PDSH-së priti në takim Ambasadorin e Suedisë, Mats Staffansson

Kryetari i Partisë Demokratike Shqiptare, Menduh Thaçi sot në selinë e partisë në Tetovë realizoi takim me Ambasadorin e Suedisë në Maqedoni, Mats Staffansson. 

Në takim u bisedua për situatën aktuale politike dhe zgjedhjet e parakohshme parlamentare. Temë e diskutimit ishte edhe de-bllokimi i proceseve integruese të vendit si dhe demokratizimi i mëtutjeshëm i rajonit.

Në takim Kryetari Thaçi nënvizoi rëndësinë e integrimit të vendit në NATO dhe Bashkimin Evropian, që nënkupton organizimin dhe mbarëvajtjen e zgjedhjeve të lira dhe demokratike, si dhe gjetjen sa më të shpejtë të zgjidhjes për çështjen e emrit me Greqinë. Integrimi në strukturat euro-atlantike do të siguron stabilitet dhe zhvillimin ekonomik të vendit dhe rajonit - theksoi Thaçi.

Bashkëbiseduesit u pajtuan që duhet të jepet kontribut maksimal për proceset demokratike dhe integrimin e vendit në strukturat euro-atlantike, dhe se në këtë drejtim organizimi i zgjedhjeve demokratike dhe rikthimi i dialogut për vazhdimin e reformave të caktuara nga Bashkimi Evropian janë me rëndësi të veçantë.

Ambasadori Staffansson falënderoi Kryetarin Thaçi për takimin e zhvilluar duke uruar që ky bashkëpunim i mirëfilltë me Partinë Demokratike Shqiptare të vazhdojë edhe në të ardhmen.

 

Shërbimi për Informim - PDSH

Tetovë, 13.09.2016

 

HomeInfo qendra
Zo2 Framework Settings

Select one of sample color schemes

Google Font

Menu Font
Body Font
Heading Font

Body

Background Color
Text Color
Link Color
Background Image

Top Wrapper

Background Color
Modules Title
Text Color
Link Color
Background Image

Header Wrapper

Background Color
Modules Title
Text Color
Link Color
Background Image

Mainmenu Wrapper

Background Color
Modules Title
Text Color
Link Color
Background Image

Slider Wrapper

Background Color
Modules Title
Text Color
Link Color
Background Image

Scroller Wrapper

Background Color
Modules Title
Text Color
Link Color
Background Image

Mainframe Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Scroller Wrapper

Background Color
Modules Title
Text Color
Link Color
Background Image

Bottom Menu Wrapper

Background Color
Modules Title
Text Color
Link Color
Background Image

Bottom Wrapper

Background Color
Modules Title
Text Color
Link Color
Background Image
Background Color
Modules Title
Text Color
Link Color
Background Image